Tornado ya iku kolom udara muter kanthi banter kang gawé gayutan antarané méga cumulonimbus utawa ana ing kadadéan langka saka dasaré méga cumulus karo lumahing bumi.[1] Tornado metu racaké ukurane ora padha, lan racaké tornado iku minangka corong kondensasi sing wanguné kaya kukusan kang pucuk ngisor kang ngambah lemah iku wujudé cilik lan lumrahé terus dikubengi karo puing-puing.[1] Lumrahé tornado kecepatane bisa nganti 177 km/jam utawa luwih kanthi rata-rata jangkauane ya iku 75 m lan bisa lumaku nganti pirang-pirang kilomèter sadurungé ilang.[1] Ana uga tornado kang kecepatane bisa nganti kecepatan angin punjul 300–480 km/jam la tornado iku ambané bisa nganti sakmil luwih utawa 1.6 km lan ana ing lemah bisa nganti 100 km adohe.[1]
Meski tornado wis sok diamati ana ing saben bawana saliyané Antartika, tornado malah luwih sok kedaden ana ing Amérikah Sarékat.[1] Tornado lumrahé uga sok kedaden ana ing Kanada sisih kidul, kidul-tengah lan wétan Asia, wétan-tengah Amérika Latin, Afrika Selatan, kulon-sagara lan tengah Éropah, Italia, kulon lan kidul Australia, lan uga ana ing Selandia Baru.[2]