Tambak uyah iku papan kanggo mringkilaké uyah saka banyu sagara utawa kenthelan uyah. Banyu sagara utawa kenthelan uyah dipapanaké ing tambak banjur banyuné disataké kanthi nguwabaké kawalan alami saéngga kari pringkilan uyah sing bisa dipanèn. Tambak uga bisa minangka papan ngaso lan makané manéka spésies manuk sagara, sing bokmanawa uga kalebu spésies-spésies sing pinuju ing sajeroning bebaya.[1] Tambak adaté disinggeti nganggo tanggul.
Tambak alami iku wewujudan géologi sing uga dumadi amarga banyu sing nguwab banjur nurahaké uyah. Sawenèh tambak pancèn diréka saka tambak alami sing wis ana saudurungé, contoné tambak ing Inagua Magung ing Bahama, utawa tambak ing Jasiira, kidulé Mogadishu, amarga ana banyu sagara sing ngembeng banjur nguwab kena soroté srengéngé.