Surya TVPT Surya Citra Televisi | |
---|---|
![]() | |
Slogan | "Satu Untuk Semua" (2005-saiki), SCTV Ngetop (1997-2005), Ayo SCTV (1993-1997), Selalu Siap Menemanimu (1993-1997). |
Diluncuraké | 24 Agustus 1990 |
Sing duwé | PT Bimantara Citra (1990-1999), PT Surya Citra Media Tbk (1999-Saiki) |
Kantor pusat | Surabaya, Indonésia (1990-1993), Jakarta, Indonésia (1993-saiki) |
Saluran afiliasi | Moji (2006-saiki), Indosiar (2011-saiki), MNCTV (1997-2000), RCTV (1990-1999) |
Situs web | http://www.sctv.co.id |
SCTV (Surya Citra Televisi) iku stasiun télévisi swasta nasional ing Indonésia.
SCTV (wiwitané cekakan saka 'Surabaya Central Televisi') ngangkasa pisanan tanggal 24 Agustus 1990 ing Surabaya, Jawa Wétan, kanthi cakupan wewengkon Surabaya lan saubengé (Gresik, Lamongan, Sidaarja, Majakerta, Jombang, Pasuruan, Bangkalan). Ing taun 1991, diadegaké stasiun SCTV Bali ing Denpasar lan SCTV Surakarta ing Surakarta. Wiwit iku jeneng SCTV diowahi dadi Surya Citra Televisi.
Tahun 1993, SCTV ngangkasa kanthi nasional. Mbaka sethithik, ing sajeroning taun 1993-1998 SCTV mindhahaké basis operasi giyaran nasionalé saka Surabaya menyang Jakarta. Saiki, kantor punjeré dumunung ing Senayan City Jalan Asia Afrika Lot 19, Jakarta Pusat. SCTV uga duwé studhio penta ing kawasan Kebon Jeruk, Jakarta Kulon. Wiwit tengahan taun 90-an, SCTV sing wiwitané siji manajemen karo RCTI pungkasané kaloroné dipisah manajemené.
SCTV diduwèni déning grup Garudha Makutha Teknologi, liwat PT.Surya Citra Media Tbk. Direktur Utama SCTV ya iku Fofo Sariaatmadja.
SCTV dadi siji-sijiné sing duwé hak siar tetandhingan Piala Donya 2006 ing Indonésia
SCTV resmi buka kantor ing Senayan City wiwit Fèbruari 2008 an sadurungé ana ing Jalan Gatot Subroto Kavling 21 Jakarta. Komplek Senayan City ditargetaké dadi Super Komplek Media, Entertainment & Style pisanan ing Indonésia. Kanthi konsèp iki diangkah SCTV dadi perintis sajeroning pangembangan New Media.
|
|
|
|
|
|
|
|
|
|
|