Peony | |
---|---|
Paeonia suffruticosa | |
Klasifikasi ngèlmiah | |
Karajan: | Plantae |
Dhivisi: | Magnoliophyta |
Klas: | Magnoliopsida |
Ordho: | Saxifragales |
Famili: | Paeoniaceae |
Génus: | Paeonia L. |
Peony (Paeonia) iku génus tunggal kanggo tuwuhan hias sing kagolong kulawarga Paeoniaceae. Tuwuhan peony wujud tuwuhan rempah sing kagolong tuwuhan taunan (perenial). Dhuwur wiwit saka 50 cm nganti 1,5 mèter. Dhuwur tuwuhan sing wujud tuwuhan semak bisa nganti 2-3 mèter. Tuwuhan ngembang ing akir mangsa semi tekan awal mangsa panas. Kembang peony ana sing wangi, wernané bisa abang, abang tuwa, putih, jambon, kuning, utawa ungu.
Tuwuhan peony asalé saka Tiongkok, Éropah kidul lan Amérika Lor pérangan kulon. Kembang peony iku kembang praja Indiana, Amérikah Sarékat.
Saliyané kembangé sing éndah disawang, pérangan oyot Peony Tiongkok (Paeonia lactiflora) asring digunakaké sajeroning pangobatan tradhisional Tiongkok kanggo ngilangaké rasa lara, ngedhunaké panas, lan penyegah infèksi.
Kembang peony wujud salah siji kembang sing paling asring digunakaké sajeroning babagan seni ornamèn. Wiwit jaman biyèn, gambar-gambar kembang peony asring tinemu ing manéka jinis keramik lan lukisan-lukisan ing Tiongkok. Kutha Luoyang ing provinsi Henan misuwur minangka pusat pambibitan kembang peony. Ing Jepang, taman-taman kanthi spesialiasi kembang peony manggon ing Prefektur Shimane.
Wikimedia Commons duwé médhia ngenani Paeonia. |