Yokohama Minato Mirai 21 (横浜みなとみらい21? arti barès: Pelabuhan Masa Depan 21) utawi kondhang minangka Minato Mirai 21 lan Minato Mirai inggih punika proyèk pambangunan kawasan kutha modhèren ing Naka-ku, Yokohama, Prefektur Kanagawa, Jepang. Saking wiyaripun sadaya ya iku 1,86 km² (186 hektare), wewengkon kanthi wiyar 0,76 km² (76 hektare) kalebet lemah reklamasi. Wonten ing Minato Mirai wonten gedung perkantoran, apartemen, pusat perdagangan, hotèl, taman dolanan, gedung konvensi, musiyum seni, lan gedung konser. Kawasan punika rumiyin dipun-ginakaken Mitsubishi Heavy Industries minangka galangan kapal dumugi dipunpindhah nalika taun 1983.[1] Minato Mirai punika jujugan plesiran ingkang kawéntar ing Yokohama ugi papanipun caket kaliyan Pecinan Yokohama.
Proyek mawi skala ageng punika kawiwitan nalika November 1983 lan mencakup laladan pasisir kanthi wiyar 110 hektare ingkang wonten ing antawisipun kalih pusat kutha ingkang kapisah. Katambah kaliyan lemah asil saking reklamasi kanthi wiyar 76 hektare.[2] Kawasan Minato Mirai diperkirakan dapat mengakomodasi kira-kira 190.000 pekerja dan 10.000 pemukim baru.[2] Ingkang mekaraken kawasan punika Yokohama Minato Mirai 21 Corporation ingkang jumeneng nalika wulan Juli 1984. Ing wulan Fèbruari 2009, perusahaan punika dipunbibaraken lan tanggel jawabipun dipunpindhah dhateng Badan Hukum kanthi nama sami, Yokohama Minato Mirai 21 Corporation. Nanging awujud asosiasi inkorporasi umum sanès perseroan terbatas malih.[3]
Kawasan Minato Mirai punika asiling pambangunan malih kawasan pinggir sagara ing pusat kutha Yokohama. Dumugi wiwitan taun 1980-an, papan punika kaginakaken minangka galangan kapal déning Mitsubishi Heavy Industries, stasiun sepur (kereta api) barang, lan pelabuhan. Sadèrèngipun dipunyasa malih minangka Minato Mirai, kawasan punika ngapit kalih pusat kutha inggih punika pusat kutha ing kawasan sakiwa-tengené Stasiun Yokohama lan pusat kutha ing distrik Kannai-Isezakichō. Proyek pambangunan malih Minato Mirai wiwitanipun kanthi ancas nyawijikaken kalih pusat kutha mau.[2]
Yokohama Landmark Tower kanthi dhuwur 296 mèter punika gedung paling katingal ing Minato Mirai sarta yasan paling inggil ing Jepang saking taun 1993.[4][5] Taman ing Landmark Tower dipunparingi nama Dockyard Garden amargi rumiyin kalebet dok garing ingkang jumeneng nalika periode Meiji.[6] Ing wulan Dhésèmber 1997, Dockyard Garden sampun dados Peninggalan Budaya Penting Jepang. Jam ing kincir ria Cosmo World naté pikantuk rekor donya minangka jam paling ageng ing donya.[7]
![]() |
Wikimedia Commons duwé médhia ngenani Minato Mirai 21. |