![]() | |
Latar wuri | |
---|---|
Asal | Tuban, Indonesia |
Taun aktif | 1970-an |
Anggota | |
Tonny Koeswoyo Yon Koeswoyo Yok Koeswoyo Nomo Koeswoyo Zainal Abidin |
Koes Plus iku sawijining grup musik Indonésia sing diwangun ing taun 1969 minangka terusan saka grup Koes Bersaudara. Grup musik sing misuwur ing dasawarsa 1970-an iki kerep dianggep pelopor musik pop lan rock 'n roll ing Indonésia. Nganti saiki, grup musik iki kadhangkala isih tampil ing pentas musik nembangaké lagu-lagu lawasé, sanadyan anggotané mung kari loro (Yon lan Murry) sing aktif.
Lagu-laguné akèh ditembangaké déning pemusik liya kanthi aransemen anyar. Minangka contoné, Lex's Trio gawé album sing mirunggan nembangaké manèh lagu-lagu Koes Plus, Cintamu T'lah Berlalu sing uga ditembangaké manèh déning Chrisye, sarta Manis dan Sayang sing ditembangaké déning Kahitna.
Kelompok dumadi taun 1969, minangka terusané banjur dadi kelompok “Koes Bersaudara”. Grup kang asalé saka Tuban iki dadi sing miwiti musik pop lan rock 'n roll, malah wis tau dikunjara amarga musike dianggep makili aliran pulitik kapitalis. Rikala iku lagi panas-panasé obahan anti kapitalis ing Indonesia.
Kemis tanggal 1 Juli 1965, wadyabala bala saka Komando Operasi Tertinggi (KOTI) nangkep Tony, Yon, lan Yok Koeswoyo banjur ditahan ing kunjara Glodok, banjur Nomo Koeswoyo nyusul. Nomo Koeswoyo iku seneng melancong. Adhiné Alm Tony Koeswoyo iku milih "mangan ora mangan kumpul" tinimbang pisahan karo sadulur-seduluré. Salahé Koes Ploes nalika iku nyanyekaké lagu-lagu The Beatles sing dianggep ngracun kawula mudha. Tuduhan sing tanpa adhedasar hukum lan nganakaké sing ora ana, Koes plus dianggep nyanyekaké musik "ngak ngek ngok" istilah saka pamaréntahan sing kuwasa rikala iku imperialisme pro barat. Nanging saka kunjara malah ngaselaké lagu-lagu sing tekan saiki isih agawé greget, kaya ta "Didalam Bui", "jadikan aku dombamu", "to the so called the guilties", lan "balada kamar 15". 29 September 1965, sadina sadurungé G 30 S-PKI, Koes Ploes dibébasaké tanpa alasan sing jelas. Lan ing talkshow KICK ANDY (Metro TV)akir 2008 Koes Ploes ngakoni yèn ing sakmburiné panangkepan iku mau kasunyatané pamaréntahan Soekarno nugasaké Koes Plus ing sawijining operasi Kontra Intelejen gawé njurung obahan Ganyang Malaysia.
Saka kelompok Koes Bersaudara lair lagu-lagu sing misuwur kaya ta “Bis Sekolah”,“ Di Dalam Bui”, “Telaga Sunyi”, “Laguku Sendiri” lan sapanunggalé. Nomo Koeswoyo akhiré metu saka Koes Plus banjur diganteni Murry minangka drummer. Panggantian iki ndadèkaké masalah kanggo Yok amarga ora sreg yèn ana wong njaba. Jeneng saudara banjur diganti Plus sing artiné plus wong njaba ya iku Murry. Sejatiné lagu-lagu Koes Bersaudara luwih apik yèn didelok saka harmonisasiné (kaya ta lagu “Telaga Sunyi”, “Dewi Rindu” utawa “Bis Sekolah”) dibandingaké lagu-lagu Koes Plus. Rikala semono Nomo, saliyané juru main music uga duwé pakaryan liya. Déné Tonny ngarepaké supaya totalitas ing musik sing agawé Nomo banjur metu. Koes Plus lan Koes Bersaudara kudu dicathet minangka pelopor music pop Indonesia. Angel dibayangaké sajarah music pop yèn ora ana Koes Bersaudara lan Koes Plus.
Tradhisi nyanyikaké lagu-lagu ciptaané dhéwé iku tradhisi saka Koes Bersaudara. Banjur diterusaké marang Koes Plus kanthi album serial volume 1, 2 lan sak terusé. Nalika diwangun Koes Plus ora langsung disenengi wong sing seneng marang musik. Piringan ireng album sapisan ditolak toko-toko kaset. Murry banjur nesu lan lunga menyang Jember ingan ireng gratis karo kanca-kancané. Dhèwèké kerja ing pabrik gula lan maen musik Gombloh ing grup musik Lemon Trees. Tonny sing banjur marani Murry ngajak bali menyang Jakarta. Nalika lagu “Kelelawar” diputer ing RRI, masarakat banjur golekki album sepisané Koes Plus. Banjur liwat lagu-lagu “Derita”, “Kembali ke Jakarta”, “Malam Ini”, “Bunga di Tepi Jalan” lan “Cinta Buta”, disenengi masarakat rikala semana.
Anané tuntutan prodhuser perusahaan rekaman, ndadèkaké grup-grup musik nalika semana, kaya ta Favourites, Panbers, Mercy's, D'Lloyd ndadekaé Koes Plus kéblat musik. Pop melayu lan pop jawa dadi trend sawisé Koes Plus sing ndisiki. “Lagu Nusantara I” (Volume 5), “Oh Kasihku” (Volume 6), “Mari-Mari” (Volume 7), “Diana” lan “Kolam Susu” (Volume 8) dadi isiné music pop rikala semana. Jaya—jayané Koes Plus ya iku nalika ngetokaké album Volume 9 kanthi laguné sing misuwur “Muda-Mudi” (diciptakan déningKoeswoyo, bapaké Tonny, Yon lan Yok). Banjur lagu “Bujangan” lan “Kapan-Kapan” saka Volume 10, “Nusantara V” saka album Volume 11 lan “Cinta Buta” saka album Volume 12.
Bebarengan karo jayané, Koes Plus uga ngetokaké album pop Jawa kanthi lagune sing dikenal saka tukang becak nganti rumaja-rumaja, ya iku lagu “Tul Jaenak” lan “Ojo Nelongso”. Ana manèh laguné sing iramané melayu, kaya ta “Mengapa”, “Cinta Mulia” lan lagu keroncongé sing judhulé “Penyanyi Tua”. Nanging ing saben-saben albumé ora ana sasi apa lan taun pira albumé ditokaké. Album Koes Plus wiwit direkam rutin wiwit volume VIII sawisé nandhatangani kontrak karo. Sadurungé perusahaan sing ngrekam “Dimita”.
Taun 1972-1976 musik ing Indonesia dikebaki déning lagu-laguné Koes Plus. Mulai saka radio utawa hajatan-hajatan. Taun 1972 Koes Plus tau dadi band paling apik ing Jambore Band ing Senayan. Kabèh sing mèlu ing Jambore iku nyayi lagu luar kabèh kecuali Koes Plus sing nyanyekaké lagu “Derita” lan “Manis dan Sayang”.
Taun 1974 Koes Plus ngetokaké 22 album, ya iku saka album-album anyar lan album-album "the best" kalebu album-album instrumentalia, sing digawé saka instrument asli Koes Plus utawa rekaman "master" sing banjur diisi saxophonané Albert Sumlang, juru main saxophone saka the Mercy's. Dadi yèn dirata-rata ana rong album saben sasiné. Taun 1975 ana 6 album, banjur taun 1976 ana 10 album. Rekor iki patut dicathet Guinness Book of Record. Sing paling hebat kabèh lagu-laguné Koes Plus dudu lagu ‘asal dadi’, nanging kabèh lagune penak dirungokaké. Amarga jasané ing perkembangan musik, Koes plus olèh panghargyan minangka kelompok legendaries kanthi diwènèhi "Legend Basf Award”, taun 1992. Awit taun 1960 tekan saiki laguné wis ana 953 lagu ing 89 album. Kabèh lagu iku saka Koes Bersaudara 203 lagu (ing 17 album), déné Koes Plus 750 lagu ing72 album (Kompas,13 September 2001). Salah sijiné anggota Koes Plus ngendika yèn Koes Plus dibayar larang banget rikala semana. Yon njelasaké manawa taun 1975 Koes Plus manggung ing Semarang "Waktu itu pada taun 1975, kami telah dibayar Rp 3 juta saat pentas di Semarang," tuturé Yon. Déné rega oto Corona taun 1975 kira-kira Rp 3,750 juta.(Suara Merdeka, 4 Mèi 2001)
Sawisé iku popularitas Koes Plus wiwit mudhun. Koes Plus vakum sauntara lan Nomo lumebu manèh ngganteni Murry, sakiwa-tengené taun 1976-an akir. Koes Bersaudara dumadi manèh lan ngetop kanthi “Kembali” sing metu 1977. Murry karo grupé Murry's Group uga misuwur kanthi laguné “Mamiku-papiku”. Ora let suwé, taun 1978 Koes Plus dumadi manèh. Lagu anyaré “Pilih Satu” uga langsung ngetop. Sawisé iku metu “Cinta”, kanthi aransemen orchestra, sing bener-bener béda karo lagu-laguné Koes Plus liyané. Banjur albumé melayu uga popular kanthi laguné “Cubit-Cubitan” lan “Panah Asmara”. Nanging Koes Plus rikala iku ora se misuwur ndhikik.