Kiat Esemka ya iku montor rakitan siswa-siswa SMK 2 Surakarta lan bengkel Kiat Motor sing nganggo bahan komponèn lokal nganti 80% akèhé. Montor iki digadhang-gadhang dadi Mobil Nasional mergane digunakna Walikota Sala dadi mobil dhinas.
PT Solo Manufaktur Kreasi, sing luwih umum diarani Esemka, iku salah sijining pabrik otomotif Indinesia sing ana ing Sala, Indonesia. Singkatan "Esemka" dewe asale saka jeneng sekolah kejuruan kanggo ngakoni upakarane para siswa sing duwe greget ngrembakakake merek montor pribumi.[1] Senajan ing wiwitan media lokal ngarani iki dadi merek montor Indonesia, nanging perusahaan montor Esemka njelentrehake manawa iki pancen kendaraan sing digawe sakabehane ing Indonesia. Wiwit 2013 kira-kira wis ana 10 iji montor seri SUV lan trek cilik sing wis dirakit pendak sasi karo pabrik Esemka iki. Pabrik iki wiwit adol montor-montor sing digawe sing rupa-rupa model lan ukuranne wiwit pabrike iki ana ing desa Demangan, Kabupaten Boyolali, Jawa Tengah wiwit 2016. Pabrik iki karesmekake dening Presiden Joko Widodo tanggal 6 September 2019.[2]