Keprak, kadang-kadang karan kecrék, kekecrék, kepyak, gejrék atawa gejék ya iku piranti muni-munian sejenis kecér[1]. Keprak ngebentuk segi papat atawa segi wolu kang digawé kang lémpéng-lémpéng logam tipis, kandelé kira-kira 2–3 cm. Kang ukurané rada gedé ya iku 15×15 cm atawa lewih[1]. Keprak iki salah siji panjangkep khas wayangan kang biyasa dienggo dhalang wayang, mligi wayang kulit purwa, gagrak Surakarta, gagrak Pesisir, gagrak Banyumas, Gagrak Cirebon lan gagrak Jawa Wétan. Keprak iku kegolong waditra wilah lan ngasilnang muni kenceng. Lémpengan keprak lumrahé ginantung nganggo tali ning sisih tengen kotak wayang. Muni keprak diasilnang nganggo cara neken karo ujung driji sikil tengen, dhalang wayang posisi dodoké iku nyila dadi ana muni nyaring kang keprak mau. Keprak gagrak Surakarta iku munié ‘jrék’ ari ditabuh atawa diadu amarga lémpéngan kepraké tipis[1][2].