Kaisar Hongwu (Hanzi: 洪武, lair ing Fengyang, Provinsi Anhui, 21 Sèptèmber 1328 – pati 24 Juni 1398 ing umur 69 taun), kang jeneng asliné ya iku Zhu Yuanzhang (朱元璋), ya iku wong kang ngadegaké lan uga kaisar pisanan Dinasti Ming ana ing Tiongkok.[1] Dhèwèké dadi kaisar lan ngadegaké dinastiné sawisé bisa nggulingaké Dinasti Yuan (Mongol).[1] Ana ing sajarah Tiongkok, Zhu Yuanzhang iku saka kaisar kang asalé saka golongan rakyat jelata (kang liyané ya iku Liu Bang/ Kaisar Han Gaozu, kang ngadegaké Dinasti Han).[2] Dhèwèké ya iku kaisar kang kontroversial, ana ing salah siji pihak dhèwèké banget ngopeni babagan kesejahteraan rakyate lan duwé usaha kanggo ningkatake taraf uripé rakyate, nanging dhèwèké uga dadi sawijining tiran kang ngebiri kebebasan lan seneng matèni wong-wong kang ngrewangi dhèwèké anggoné munggah singgasana amarga dicurigai duwé potensi kanggo ngrebut tahtane.[1]
Zhu lair ana ing Fengyang, Provinsi Anhui saka kulawarga tani mlarat kang jenenge Zhu Chongba (朱重八).[1] Nalika isih enom dhèwèké makarya dadi tukang angon sapi.[1][2] Amarga konangan manggang lan mangan salah siji sapine dhèwèké banjur dipecat déning majikane.[1] Sawijining dina nalika ana wabah lelara kang nyerang desane lan njalari akèh saka warga désa kang mati kalebu wong tuwané lan uga dulure.[1] Dhèwèké banjur dadi biksu ana ing Kuil Huangjue kanggo nyambung urip ana ing tengah-tengahé bencana kelaparan kang kadadéan nalika jaman semana.[1] Ana ing biara iku dhèwèké banjur sinau kanggo maca lan nulis, nanging ora let suwé, biara iku ditutup amarga kurang dana kang ndadèkaké dhèwèké kudu urip ora ngenah lan dadi tukang jaluk-jaluk.[1]