Kacamatan iku wewengkon administratif papréntahan ing Indonésia kang kabawah Camat. Wewengkon administratif kacamatan iku dadi pérangan kabupatèn utawa kutha. Dadi bisa dianggep perangkat kabupatèn utawa kutha lan kanthi hirarki ana ing isore kabupatèn utawa kutha.
Kacamatan kabawah camat lan wewengkoné ketata saking kalurahan-kalurahan lan utawa désa-désa.
Istilah kacamatan iki ing provinsi Acèh diarani sagoe cut. Banjur ing Tanah Papua diarani distrik. Ing Daérah Istiméwa Yogyakarta diarani kamantrèn (ing Kutha Ngayogyakarta) lan kapanèwon (Kabupatèn Gunungkidul, Kulonpraga, Bantul, lan Sléman).