Inti atom utawa nukleus ya iku pusaté atom. Inti atom iku ana proton lan neutron. Akèhé proton sakjeroné inti atom karan nomer atom, lan nemtokaké èlemèn saka atom.
Ciliké inti atom luwih cilik manèh tinimbang ukurané atom, inti atom iku saka proton lan neutron, ora ana èlèktroné.
Gunggungé netron ing inti atom iku nemtokaké isotop èlemèn mau. Gunggungé proton lan netron sakjeroné inti atom iku sesambungan; lumrahé ing gunggung kang padha, sakjeroné nukleus kang gedhé ana netron kang luwih. Sakloron iku gunggungé nemtokaké jinis nukleus. Proton lan netron duwé massa kang mèh padha, lan gunggungé saka sakloron massa mau dijenengi nomer massa, lan aboté mèh padha karo massa atom (saben isotop duwé massa kang unik/kusus). Massa saka èlèktron cilik banget lan ora nyumbang akèh kanggo massa atom.
Inti atom (DNA) iku ana proton lan neutron, neutron iku sing paling kenceng. Gaya èlèktromagnèt kang nyebabakaké kaya arus (momotan), nyegah proton mbentuk iketan tanpa neutron (gaya èlèktromagnètik mau bakal ngremukaké inti nuklir-iketan tanpa neutron). Nalika neutron lan proton ana ing let kang cedhak banget, ditahan déning gaya nuklir kang kuwat. Gaya nuklir kuwat iki luwih kuwat yèn dibandhingaké karo gaya gravitasi utawa dibandhingaké karo gaya èlèktromagnèt, nanging gaya nuklir kang kuwat iki namung bisa ditemoni manawa leté cedhak banget (béda karo ukum gaya gravitasi lan èlèktromagnèt kang duwé jangkowan kang ora bisa diétung) ora bisa dirasakaké ing kauripan sadina-dinané. Hidrogen ya iku unsur kang ora duwé neutron sakjeroné inti; inti hidrogen mung 1 proton. Wujud stabil saka helium, unsur paling ènthèng, duwé 2 proton lan 2 neutron. Gedhené unsur ènthèng stabil nalika duwé neutron lan proton kang gunggungé padha, nanging luwih abot utawa gedhené unsur, dhèwèké bakal mbutuhaké luwih akèh neutron supaya bisa tetep nggabung dadi siji.
Isotop atom ditemtokaké déning gunggungé neutron ing sakjeroné inti. Isotop kang béda saka unsur kang padha duwé sipat kimia kang mèmper banget amarga réaksi kimia kabèhané gumantung karo gunggungé èlèktron kang diduwèni atom. Isotop-isotop saka sampel saka unsur tartemtu bisa dipisahaké migunakaké sentrifugasi utawa spektometer massa. Cara pisanan kanggo mrodhuksi uranium kang disugihaké saka sampel uranium biyasa lan cara kang kaping loro digunakaké ing métodhe pananggalan karbon (carbon dating).
Gunggungé proton lan netron nemtokaké tipe saka nukleus utawa inti atom. Proton lan neutron duwé massa kang padha, lan kombinasi gunggungé, massa, rata-rata = massa atomik saben atom. Kombinasi massa saka èlèktron cilik banget pabandhingané kaya massa nukleus, amarga aboté proton lan neutron nganti kaping 2000 massa èlèktron.