| Babi | |
|---|---|
| |
| Gembluk (anak babi) karo mbokné kang wis dijinakaké | |
| Klasifikasi ngèlmiah | |
| Karajan: | Animalia |
| Filum: | Chordata |
| Klas: | Mamalia |
| Ordho: | Artiodactyla |
| Famili: | Suidae |
| Génus: | Sus (Linnaeus, 1758) |
| Species | |
|
Sus barbatus | |
Babi iku sajinis kéwan ungulata kang moncongé dawa lan irungé lèpèr lan wujud kéwan kang asal asliné saka Eurasia. Sok uga diarani khinzir[1] (tetembungan Arab). Babi iku kéwan omnivora, kang tegesé mangan daging lan uga tetuwuhan. Babi uga salah siji mamalia kang paling pinter, lan dilapuraké luwih pinter lan gampang diupakara tinimbang asu lan kucing.
Babi minangka panganan
[besut | besut sumber]Cithakan:Artikel Ing al-Quran, minangka kéwan, babi hukumé najis yèn didumuk lan karam dipangan déning umat Islam. Babi uga diharamaké dikonsumsi ing agama Yahudi lan Gréja Masehi Advent Dina Kapitu ing kalangan Kristen.
Nanging babi akèh dikonsumsi wong Éropa lan wong Tionghoa. Sapérangan bebrayan ing Indonésia saliyané suku Tionghoa-Indonésia uga seneng ngonsumsi babi ya iku suku Bali, Batak lan Manado.
Sapérangan conto panganan kang ngandhut babi:
- Babi panggang abang (legi) kas Tionghoa
- Babi panggang putih (asin) kas Tionghoa
- Sekba (isiné jeroan babi mawa duduh) kas Tionghoa (Jakarta, Bogor, Bandung, Tangerang)
- Kitoba (irisan pérangan ndhas babi kang diolah kanthi cara dikukus. Mangané kudu diclupaké ing cukak arèn kang dicawisaké kas Tionghoa Bogor
- Saté babi kas Tionghoa: padha karo daging saté lumrahé nanging tusukané luwih gedhé lan rasané legi.
- Ngo hiang / Go Hiong: Daging babi cincang kang dibungkus nganggo kulit kembang tahu tipis. (Jakarta, Bogor, Bandung).
- Babi cin: Daging babi + lenga lan duduh kang rasané legiamarga kecap legi.
- Bakut: kas Tionghoa kang wujud campuran saka jangan asin lan kaldu iga babi.(Bisa ditemoni ing saindhenging Indonésia).
- Saksang: Olahan daging babi kas laladan Tapanuli
- Babi rica-rica: Daging babi olahan kas Manado kang rasané pedhes banget.
- Babi guling: Olahan daging babi kas Bali
- Babi putar: Olahan daging babi kas Manado kang lumrahé disajèkaké nalika pahargyan.
Gambar babi minangka panganan
[besut | besut sumber]-
Bakutèh -
Babi guling -
Casiu (babi panggang abang) -
Ham babi -
Iga babi kanthi jangan
Cathetan sikil
[besut | besut sumber]- ↑ Mliginé ing Malaysia
Pirsanana uga
[besut | besut sumber]- Pigasus (pulitik), siji babi kang dicalonaké minangka Présidhèn Amérika Sarékat 1968.
 |
Wikimedia Commons duwé médhia ngenani Babi. |
|
Wikimedia Commons duwé médhia ngenani Daging babi. |
