Posnal infamieshan
Profeshnal infamieshan
Kwiin Nani ar Nani (c. 1685 – c. 1755), Jumiekan Nashinal Iiro,[1] wena wel-nuo 18t senchri liida a di Jumieka Maruun. Muos a wa nuo bout ar koh frah uoral ischri sens no moch tex evidens no de. Ousomeba, istarikal dakiument refa tu ar az di "'rebl' oul obia uman," ah deh liigali grant "Nani ah di piipl we nou rizaid wid ar ah deh ierz ... wah soertn paasl a Lan we kantien faib onjrid ieka ina di parish a Puotlan ...".[2] Nani Tong eh-foun pah dis lan.
Nani weh baan bout 1686 ina waa nou Gaana, Wes Afrika, in di Ashanti chraib.[3] Ibliiv se som a ar fambili memba weh invalv ina intachraibal kanflik an ar vilij get kiapcha. Nani ah sebral relitiv eh-sel az sliev ah sen a Jumieka. Afta Nani kech a Jumieka, deh laikli sel ar tu wah plantieshan ina Sin Tamas Parish, jos outsaida di Puot Rayal ieria. Deh plantieshan de deh mien krap ena shugakien, ah di slievdem wok anda exchriimli aash kandishan. Aneda voerjan a ar laif se dat shi weh ab rayal Afrikan blod ah kom a Jumieka az a frii uman. Shi maita eh-marid tu wah man niem Adou, bot aparentli neh ab no pitni.[4]