Wish You Were Here | ||||
---|---|---|---|---|
Breiðskífa | ||||
Flytjandi | Pink Floyd | |||
Gefin út | 15. september 1975 | |||
Tekin upp | Janúar - júlí 1975 | |||
Stefna | Framúrstefnurokk | |||
Lengd | 44:28 | |||
Útgefandi | Harvest, EMI (UK) Columbia, Capitol (US) | |||
Stjórn | Pink Floyd | |||
Tímaröð – Pink Floyd | ||||
|
Wish You Were Here er plata eftir Pink Floyd. Hún var tekin upp í Abbey Road hljóðverinu á tímabilinu janúar til júlí árið 1975 og var gefin út þann 15. september 1975.
Platan er að mestu leyti samin um fyrrverandi meðlim Pink Floyd, Syd Barrett, en hann hrökklaðist frá bandinu eftir ofneyslu ofskynjunarlyfja. Barrett kom fram á tveimur plötum Pink Floyd, The Piper at the Gates of Dawn og A Saucerful of Secrets. Fyrst áttu bara að vera þrjú lög á plötunni, en síðan eftir nokkrar breytingar var tveimur lögum sleppt og sett á plötu sem kom seinna út, Animals. Fjórum lögum var bætt við, en Shine on You Crazy Diamond var fyrsta lagið til að vera samið fyrir plötuna. Wish You Were Here er fyrsta plata Pink Floyd sem var gefin út af Columbia Records.
Þann 5. júní 1975, sama dag og David Gilmour gifti sig, og á meðan tökur á Wish You Were Here stóðu sem hæst, kom Syd Barrett í heimsókn í stúdíóið. Hann var gjörbreyttur, hafði bætt á sig kílóum, rakað af sér allt hár og augabrýr. Gömlu félagar hans spiluðu fyrir hann Shine On You Crazy Diamond og Wish You Were Here til að fá álit hans á lögunum og fannst Barret þau frekar gamaldags.