The Cranberries var írsk rokkhljómsveit sem var stofnuð árið 1989 í Limerick og aflögð árið 2019. Í fyrstu hét sveitin The Cranberry saw us og var með karlkyns söngvara en síðar gekk söngkonan Dolores O'Riordan í bandið. Sveitin reis til frægðar með frumburði sínum Everybody Else Is Doing It, So Why Can't We? (1993) og átti vinsælan smell með laginu Zombie (1994). Hljómsveitin tók sér hlé árið 2003 of fram til ársins 2009 þegar meðlimir einbeittu sér að sólóferli. O'Riordan lést árið 2018 og voru síðustu upptökur með henni gefnar út 2019. Sveitin var kennd við jaðarrokk en hefur blandað öðrum stefnum í tónlist sína.
The Cranberries hefur selt yfir 40 milljónir platna á heimsvísu.
