Fylki er stjórnsýslueining innan ríkis. Hugtakið í íslensku er notað yfir tvær mjög ólíkar stjórnskipulegar einingar.

• Annars vegar yfir það sem á norsku heitir fylke, á dönsku amt, sænsku län, finnsku lääni og í Frakklandi départements. Þessi hugtök eru nánast það sama og sýslur voru áður á Íslandi og eru yfirleitt þýdd sem county á ensku. Það er að segja stjórnsýslustig á milli sveitarfélaga og ríkisvalds. Þau hafa aldrei löggjafarvald en gegna mismunandi hlutverki í ákveðnum geirum opinbers valds og þjónustu. Í sumum löndum hafa fylkin löggæsluábyrgð og sinna heilbrigðis- og/eða skólamálum.

• Hins vegar það sem í Bandaríkjunum og Ástralíu er kallað state, í Kanada og í Kasakstan province, í Þýskalandi Bundesland og í Sviss Kanton. Öll þessi ríki eru sambandslýðveldi og eru fylkin í þessu samhengi um margt sjálfstæð ríki með eigin löggjöf á mörgum sviðum.

Tengt efni

• Fylki Bandaríkjanna
• Kantónur í Sviss