Dorothy Mary Crowfoot Hodgkin (12. maí 1910 - 29. júlí 1994) var breskur efnafræðingur sem var þekkt fyrir rannsóknir sínar á sviði sameindalíffræði.[1][2] Hún var þriðja konan sem hlaut Nóbelsverðlaun árið 1964 fyrir að uppgötva byggingu B12-vítamíns.
Hodgkin var frumkvöðull í notkun röntgenkristallafræði til að greina byggingu flókinna lífsameinda. Árið 1945 greindi hún ásamt samstarfsfólki sínu byggingu pensillíns.[3] Árið 1948 hóf hún að greina byggingu B12-vítamíns sem hún gaf út 1955 og hlaut Nóbelsverðlaun fyrir árið 1964.[4] Árið 1969 tókst henni ásamt rannsóknarteymi að greina byggingu insúlíns, sem gerði bæði mögulegt að fjöldaframleiða það og bæta virkni þess.[5]
Dorothy Hodgkin þjáðist af liðagigt sem greindist þegar hún var 24 ára gömul. Gigtin leiddi smám saman til þess að hendur hennar og fætur afmynduðust og hún var síðustu ár sín í hjólastól.[6]