Baugi borar í bjargið, svo Óðinn komist inn. Myndin er úr íslensku handriti frá um 1800 (SÁM 66).
Baugi er jötunn í norrænni goðafræði sem Óðinn (undir dulnefninu Bölverkur) réði sig hjá sumarlangt til að fá drykk af skáldskaparmiðinum sem Suttungur bróðir Bauga átti.[1] Hafði Óðinn áður valdið dauða níu þræla fyrir Bauga, svo næg voru verkefnin.
Nafnið er talið þýða sá bogni eða sá skakki.[2] Það kemur annars hvergi fyrir nema í skáldskaparmálum og nafnaþulum.