Árið 1677 (MDCLXXVII í rómverskum tölum) var 77. ár 17. aldar sem hófst á föstudegi samkvæmt gregoríska tímatalinu en mánudegi samkvæmt júlíska tímatalinu sem er tíu dögum á eftir.

Atburðir

• 11. apríl - Stríð Frakklands og Hollands: Filippus 1. hertogi af Orléans sigraði her Hollendinga í orrustunni við Cassel.
• 29. maí - Landnemar í Virginíu gerðu friðarsamkomulag við indíánaættbálka svæðisins.
• 31. maí - Danir undir forystu Niels Juel unnu sigur á Svíum í sjóorrustu milli Femern og Warnemünde.
• 14. júlí - Svíar unnu sigur á Dönum í orrustunni við Landskrona.
• 4. nóvember - Brúðkaup Maríu Englandsprinsessu og Vilhjálms 3. af Óraníu.
• 16. nóvember - Frakkar lögðu Freiburg undir sig.

Ódagsettir atburðir

• Elias Ashmole gaf Oxford-háskóla náttúrufræðisafn sitt.
• Henry Purcell varð hirðtónskáld Karls 2.

Fædd

• 25. maí - Françoise-Marie de Bourbon, hertogaynja af Orléans (d. 1749).

Ódagsett

• Abu'l Abbas Ahmad 2. soldán yfir Marokkó (d. 1729).

Dáin

• 21. febrúar - Baruch Spinoza, hollenskur heimspekingur (f. 1632).
• 4. maí - Isaac Barrow, enskur stærðfræðingur (f. 1630).
• 11. september - James Harrington, enskur stjórnspekingur (f. 1611).
• 15. desember - Þorkell Arngrímsson, læknir og prestur í Görðum á Álftanesi (f. 1629).

Opinberar aftökur

• 4. júlí - Þorbjörn Sveinsson (Grenjadals-Tobbi), 37 ára, frá Grenidal í Borgarfjarðarsýslu, tekinn af lífi með brennu á Alþingi, fyrir galdra. Aftakan fór fram að „mörgum góðum mönnum nærstöddum,“ segja annálar.
• 4. júlí - Bjarni Bjarnason, 62 ára, frá Breiðadal í Önundarfirði, Ísafjarðarsýslu, tekinn af lífi fyrir galdra. Honum var gefið að sök valda veikindum Ingibjargar Pálsdóttur. Bjarni var, samkvæmt annálum, brenndur „í margra manna viðurvist“.
• Þorlákur Þorsteinsson hengdur fyrir þjófnað, í Strandasýslu.
• Bessi Eiríksson hengdur fyrir þjófnað, í Húnavatnsþingi.^[1]

Tilvísanir

1. ↑ Upplýsingar um framangreindar aftökur sóttar á vef rannsóknarverkefnisins Dysjar hinna dauðu, ekki síst skrá á slóðinni https://dhd.hi.is/gogn/Info.pdf, sótt 15.2.20202.