Zhou Youguang | ||
![]() | ||
Okupeso: | linguisto | |
Lando: | ![]() | |
Naskodato: | 13 di januaro 1906 | |
Nasko-loko: | Changzhou | |
Mortodato: | 14 di januaro 2017 | |
Morto-loko: | Beijing | |
Zhou Youguang (Ido: Ju Yuguang, Chiniane: 周有光) (Changzhou, 13ma di januaro 1906 — Beijing, 14ma di januaro 2017) esis Chiniana linguisto. Ilu developis la sistemo Pinyin, per quo lua nomo skribesas tale: Zhōu Yǒuguāng.
Youguang esis depos la morto dil 109-evinta Irving Kahn ye la 24ma di februaro 2015 la maxim olda vivanta persono, qua esis konocata ne nur pro lua granda evo.
Zhou naskis ye 13ma la januaro 1906 en Changzhou, Chinia. Kande il evis dek yari il translojis kun sua familio a Suzhou. Ibe il esis skolano. Zhou komencis che l'universitato Saint John's en Shanghai en 1923, ube il studiis ekonomiko ed ultre to kursi di linguistiko. Il livis skolo dum la enorma protesti en mayo 1925 e studiis en 1927 che l'universitato di Guanghua. Zhou rezidis en Japonia kom kambio-studento e laboris kom bankisto ed ekonomikisto, precipue en New York. Kande en 1949 la populala republiko di Chinia establisesis, il retroiris a Shanghai.
En 1955 Youguang divenis la chefo di guverneriala komisitaro qua havis la tasko reformar la Chiniana linguo, skope plubonigar la skrib-habileso di la lando. La skopo dil komisitaro esis la romanigo di la linguo, e krear sistemo qua sugestus la pronunco dil Chiniana simboli. Youguang laboris dum tri yari pri la desegno e developo di Pinyin.
Zhou mariajesis en 1933 kun Zhang Yuhne. El mortis en 2002. Li genitis du filii: un filiino (elqua mortis evante sis yari) ed un filiulo.