Unionita Araba Republiko | ||
الجمهورية العربية المتحدة Al-Gumhuriyah al-Arabiyah al-Muttahidah / Al-Jumhuriyah al-Arabiyah al-Muttahidah | ||
1958 til 1961 (1971) | ||
![]() |
![]() | |
![]() | ||
Urbi
| ||
Chefurbo: | Kairo | |
Lingui
| ||
Oficala lingui: | Araba | |
Tipi: | federuro | |
· Prezidanto di la republiko: | Gamal Abdel Nasser (1958-1961) | |
· Entote: | 1 166 049 km² (1961) | |
Habitanti
| ||
· Entote: | 32 203 000 (1961) | |
Valuto: | Pundo dil Unionita Araba Republiko | |
Religii: | islamo | |
Kauzo di la fino: | Separo di Siria en 1961. Egiptia abandonis la nomo en 1971 |
L'Unionita Araba Republiko, UAR (Arabe الجمهورية العربية المتحدة, Al-Gumhuriyah al-Arabiyah al-Muttahidah) esis suverena stato che Mez-Oriento qua existis de 1958 til 1971. Ol konsistis ek l'uniono inter Egiptia e Siria, qua komencis en 1958 e finis en 1961. Egiptia duris uzar la nomo Unionita Araba Republiko til 1971.
L'unika prezidanto di la federuro esis Gamal Abdel Nasser. Dum lua kurta existo, la republiko formacis, kune Nord-Yemen, la kunfederuro konocata kom Unionita Araba Stati (UAS), qua dissolvesis ank en 1961.
Establisita ye la 1ma di februaro 1958 kom embriono di futura tot-Araba stato, L'UAR kreesis kande grupo di politikisti e militisti de Siria propozis ca ideo a lor Egiptiana prezidanto, Gamal Abdel Nasser. L'ideo pri unionar omna stati Araba esis forta en Siria, e Nasser lor esis populara chefo di stato en la regiono, pos lua agado dum la milito di Suez en 1956. La Partiso Socialista Ba'ath esis la precipua propozero di ca ideo.
Dum la komenco di 1957, westala povi suciis pri posibla stato-stroko komunista en Siria, qua lore havis Komunista partiso bone organizita, e lora chefo di stabo di lua armeo, Afif al-Bizri, simpatiis komunista idei. Nasser dicis a Siriana delegaciono, qua inkluzis lora Siriana prezidanto Shukri al-Quwatli e lora Siriana chefministro Minister Khaled al-Azem, ke l'unika formo por preventar ula stato-stroko komunista esus unionar komplete Siria ed Egiptia sub unika stato.