La revoluciono Rusa di 1905, anke konocata kom revoluciono di 1905 od unesma revoluciono Rusa esis granda politikal e social agiteso qua dissemis tra vasta arei de Rusa imperio, ed inkluzis striki di laboristi, revolto di rurani e mutini di militisti. Ol efektigis konstitucala reformi, nome tale nomizita "manifesto di oktobro", e la kreado di Rusa parlamento (Duma), plurapartisala sistemo, e la konstituco di 1906.
La revoluciono stimulesis da vinkeso Rusa dum la milito Rusa-Japoniana, finita ye la sama yaro, ma anke por l'augmento di deskontenteso di diversa sektori di Rusa socio, qui demandis sociala reformi. Sergei Witte ed altra politikisti faliis exekutar ca reformi. Samatempe kam la caro sucesis mantenar lua povo, ca eventi prefigurizis olta di revoluciono februarala en 1917, qua rezultis la revoko di la monarkio, fusilago di imperiala familio, e kreo di Sovietia da bolsheviki.