La membri di la Pulvero-konspiro intencis destruktar la Pero-chambro dum la statala aperto di Parlamento en London ye 5 di novembro 1605.
La konspiranti esis grupo de Angla Katoliki, deceptita pro la manko di religiala tolero sub rejulo James la 1ma, di qua la duktanto esis Robert Catesby. Li expektis ke ca ago inicius populara revolto. Guy Fawkes, un de la konspiranti, responsis pri la exploziva materii. Dum la vespero di 4 di novembro, dum oficala serchado di la Pero-chambro, Fawkes deskovresis en la subter-etajo kom gardo di 36 bareli de pulvero, ed il esis arestata.