|
La Rioja esas provinco di Arjentinia, jacanta weste de la lando. Lua peizajo konsistas ek serio di montokateni en regioni arida o mi-arida, kun vali inter li qui povas kultivesar. En un ek ca vali jacas la chef-urbo di la provinco, anke nomizita La Rioja.
En la regiono naskis Facundo Quiroga, qua defensis autonomio di la provinci dum la 19ma yarcento, e Carlos Saúl Menem, ex-prezidanto di Arjentinia.
Dum la revoluciono qua rezultis en Arjentiniana nedependo, lokala guvernerio (cabildo) suportis la revoluciono. En 1813 José de San Martín komencis guvernar la regiono di Cuyo, ke inkluzis la regiono di nuna provinco di La Rioja.
La peizaji e la klimati di la provinco esas arida o mi-arida. Omnayare, ol recevas mezavalore 200 milimetri di pluvi.
De l'alta montaro Andi, ube jacas la maxim alta monto di la provinco, Monte Pissis, la reliefo diminutas vers la regiono pampa.