Pedro 1ma di Brazilia e 4ma di Portugal | ||
![]() | ||
Rejulo di ![]() | ||
Guvernisteso: | de la 12ma di oktobro 1822 til la 7ma di aprilo 1831 | |
Precedanto: | ne havis (Brazilia esis kolonio) | |
Sucedanto: | Pedro la 2ma di Brazilia | |
Rejulo di ![]() | ||
Guvernisteso: | de 10 di marto til 28 di mayo 1826 | |
Precedanto: | João la 6ma di Portugal | |
Sucedanto: | Maria la 2ma di Portugal | |
Personal informi | ||
Naskodato: | 12 di oktobro 1798 | |
Naskoloko: | Queluz-palaco, Sintra, Portugal | |
Mortodato: | 24 di septembro 1834 | |
Mortoloko: | Queluz-palaco, Sintra, Portugal | |
Spozo: | Maria Leopoldine di Austria Amelia de Leuchtenberg |
Pedro la 1ma di Brazilia, pose anke Pedro la 4ma di Portugal (Pedro de Alcântara Francisco Antônio João Carlos Xavier de Paula Miguel Rafael Joaquim José Gonzaga Pascoal Cipriano Serafim de Bragança e Bourbon) naskis en 1798 e mortis en 1834.
Il esis Portugalana princo, filiulo di rejulo João la 6ma di Portugal. En 1807 la rejala familio, inkluzite lor yuna princo Pedro, fugis pro l'invado da Franca trupi, a Brazilia.
En 1821, kande João retroiris a Portugal qua minacesis pro liberala revoluciono, Pedro divenis regento en Brazilia. Pedro deziris ke Brazilia esez nedependanta. Tamen la Portugalana parlamento, preferante ke ol esez kolonio, postulis ke Pedro irez a Portugal. Refuzante, il deklaris la nedependo di Brazilia ye la 7ma di septembro 1822 e kronizesis ye la 1ma di decembro kom unesma imperiestro di lando.
Ilu anke recevis la titulo Pedro 4ma di Portugal, inter la 26ma di aprilo e la 2ma di mayo 1826, pos la morto di lua patro, rejulo João la 6ma.
Pos kelka yari kom imperiestro lua populareso diminutis. La parlamento di la lando opozis il e la populo revoltis. Pedro guvernis Brazilia de 1822 til la 7ma di aprilo 1831 kande il abdikis.
Depos renuncir Braziliana trono, Pedro rivenis a Portugal e postulis Portugalana krono por lua filiino, Maria la 2ma. Tamen, lua fratulo Miguel ne aceptis lo, e komencis milito inter li. Pedro vinkis, ed riestablisis Maria kom rejino.
Pedro mortis ye la 24ma di septembro 1834 pro tuberkloso.