Pavel la 1ma (Павел I Петрович) (1ma di oktobro 1754; Jul. 20ma di septembro - 23ma di marto 1801; Jul. 12ma di marto)[1] esis caro di Rusia inter 1796 e 1801.
Pavel sucedis sua matro Yekaterina la 2ma (qua regnabis depos 1762) en 1796. Il opinionis ke la Rusa nobelaro esas dekadanta e koruptita, e deziris, ke li esez bone diciplinata e loyala, quale mez-epoka ordeno di kavaliereso. Plura de la nobelaro, odiante il, komplotis ilua ocideso, kelka monati ante la evento.
Caro Pavel 1ma ocidesis ye la 23ma di marto 1801. La caro asasinesis en lito-chambro di la recente-konstruktita Kastelo di St. Mikhail en Sankt Petersburg da grupo de desengajita oficiri. Generalo Nikolai Zubov, un ek la ocidinti, quik pose anuncis ad Alexandr la 1ma (filiulo di Pavel) qua esis en altra parto di la kastelo, ke il esas la nova caro.