Paul Klee | ||
![]() | ||
Profesiono: | piktisto | |
Lando: | ![]() | |
Naskodato: | 18 di decembro 1879, 18 di februaro 1879 | |
Nasko-loko: | apud Bern, Suisia | |
Mortodato: | 29 di junio 1940, 29 di mayo 1940 | |
Morto-loko: | Locarno, Suisia | |
Paul Klee (1879 til 1940) esis Suisa piktisto di aparanta simplozo e kolor-dialogo.
Sua patro esis muzik-profesoro, sua matro esis kantistino. En 1898 ilu lernis bel-arti en München. En 1906 ilu mariajis kun munichesa pianisto Lily Strumpf. En 1914 ilu voyajis tra Nord-Afrika, ube Klee, kune la piktisti August Macke e Louis Moillet, "deskovris" la koloro-forteso. En 1920, il invitesis por docar che la Bauhaus di Weimar, ube ilu renkontris lua amiko Vasili Kandinski en 1922. Pose ilu verkis en la Bauhaus di Dessau. En 1931 ilu divenis instruktisto che l'Akademio pri bela arti di Düsseldorf.
En 1933, il ekmigris a Suisia por rezidar apud Berne kun sua spozino, pos ke Naziisti judikis lu kom degeneranta artisto. Sua filio Felix (naskinta en 1907) restis en Germania, ed iris a Bern erste en 1949.
En 1940, Klee mortis che hospitalo en Locarno. Ilu developis grava maladeso, pel-skleroso, qua debiligis la muskuli. Malgre naskinta en Suisia, lua civitaneso Suisa agnoskesis erste 6 dii pos lua morto. Sua spozino mortis en 1946, e sua filio Felix en 1990.