Minneapolis esas la maxim grand urbo di Minnesota, jacante an la komtio Hennepin. Kun Saint Paul, chef-urbo e duesma maxim grand urbo de la stato, l'urbala areo havas plu kam 3 000 000 rezidanti. L'urbo havis 382,618 habitanti en 2000, ed esis la 47ma maxim grand urbo di Usa. Tamen, en 2004 la habitantaro diminutesis a 373 943 personi.
En l'urbo trovesas 24 lageti. La nomo di l'urbo venas de la linguo Dakota: minne signifikas aquo e polis esas Greka vorto por urbo.
L'urbo komencis dum la yari 1840ma. La unesma pesono qua ganis permiso por rezidar en l'areo esis John H. Stevens, qua administris navo-kompanio. L'Universitato di Minnesota inauguresis en 1855. Minneapolis divenis urbo en 1867, e pose en 1872 l'urbo St. Anthony adjuntesis a la urbo.
Dum la yari 1920ma e 1903ma existis multa krimineso organizita en la urbo. La maxim notora kriministo esis Kid Cann (vera nomo Isadore Blumenfeld).
Segun l'Usana Kontado Ministerio, l'urbo havas entote 151.3 km² (58.4 mi², di qui 142.2 km² (54.9 mi²) esas lando e 9.1 km², o 3.5 mi² (equivalanta a 6.01% de la surfaco totala) esas aquo.
Historiale Minnesota havabas multa Skandinaviana e Germana enmigranti.
Segun la demografiala kontado di 2000, esis 382 618 homi, 162 352 hemanari, e 73 870 familii qui rezidis en la urbo. La denseso di habitantaro esis 2,691.4/km² (6,970.3/mi²). Esis 168,606 domi kun mezvalora denseso di 1,186.0/km² (3,071.6/mi²). Segun raso, esis 65.13% Blanki, 17.99% Negri od Afrikan-Usani, 2.19% indijeni Amerikana, 6.13% Aziani, 0.08% Pacifik-insulani, 4.13% de altra rasi, e 4.36% de du o plura rasi, e 7.63% de la habitantaro esis Hispan-Amerikani o Latin-Amerikani de irga raso.
Esis 162,352 hemanari, di qui 22.6% havis pueri od adolecanti evante min kam 18 yari en la domo, 29.0% esis mariajita e habitis kune; en 12.3% muliero sen spozulo esis la domo-chefo, e 54.5% esis ne-familii. En 40.3% de omna hemanari vivis unika sola individuo, e 8.0% habitesis da singla individuo evante 65 yari o pluse. La mezvalora grandeso po hemanaro esis 2.25 personi e la mezvalora grandeso po familio esis 3.15 personi.
La procento di habitanti segun evo esis: 22.0% evante min kam 18 yari, 14.4% de 18 til 24 yari, 36.6% de 25 til 44 yari, 17.9% de 45 til 64 yari, e 9.1% evante 65 yari o pluse. La mezvalora evo esis 31 yari. Po singla 100 mulieri esis 101.0 viri. Po singla 100 mulieri evante 18 yari o pluse, esis 100.1 viri.
La mezvalora revenuo po hemanaro en la urbo esis $37,974, e la mezvalora revenuo po familio esis $48,602. La mezvalora revenuo por la viri esis $35,216 kontre $30,663 por la mulieri. La revenuo per capita por la urbo esis $22,685. Vivis sub la povreso-lineo 16.9% de la habitantaro e 11.9% de la familii. Ek omna habitantaro evante min kam 18 yari, 24.5% ed ek omna habitantaro evante 65 yari o pluse, 10.9%, vivis sub la povreso-lineo.
Granda kompanii kun sideyi en l'urbo:
La nuna urbestro di Minneapolis esas R.T. Rybak. L'urbo havas 13 distrikti.
La fratala urbi di Minneapolis esas: