La Paz | ||
Kelk imaji pri La Paz. | ||
Standardo | Blazono | |
Lando: | Bolivia | |
Informo:
| ||
Latitudo: | 16°29' S | |
Longitudo: | 68°09' W | |
Altitudo: | 3650 m | |
Surfaco: | 475 km² | |
Habitanti: | 764 617 (2012) | |
Denseso di habitantaro: | 1609 hab./km² | |
Horala zono: | UTC-4 | |
Urbestro: | Iván Arias Durán (Alianza PBCSP) | |
Mapo:
| ||
Oficala retosituo:
| ||
http://www.lapaz.bo |
La Paz, oficale Nuestra Señora de la Paz esas chef-urbo di Bolivia. Ol esas la maxim importanta centro politikala, kulturala e financala, e la 3ma maxim populoza urbo di la lando, dop Santa Cruz de la Sierra ed El Alto.[1]. Segun statistiki dil yaro 2012 ol havis 764 617 habitanti. Lua tota surfaco esas 475 km². Lua metropolala regiono havis 1 801 539 habitanti ye la sam yaro. Ol distas 68 km sud-este de la Lago Titicaca.
La Paz jacas an ravinego kreita dal rivero Choqueyapu, qua apartenas a la baseno di Amazon. Ol cirkondesas da Andiana monti, exemple l'extingita volkano Illimani. La mezavalora altitudo di La Paz esas 3650 metri.
Arkeologiala inquesti montras ke la baseno di lago Titicaca esis la loko di origino di la precipua Andiana civilizuri. La kultivo di planti komencis en la regiono cirkume 4 mil yari aK. Til cirkume 1600 aK, diversa sedentaria kulturi, exemple Chiripa e Wankarani, qui pose sucedesis da kulturo Tiwanaku.
La Paz fondesis 1548 dal Hispana conquistadores. Unesme nomizita Pueblo Nuevo de Nuestra Señora de la Paz (Nova Urbo di Nia Damo di la Paco).
La reliefo di La Paz esas montoza, jacanta an valo larja e profunda, kreita dal rivero Choqueyapu, qua trairas l'urbo denorde adsude. Lua mezavalora altitudo esas 3650 metri e lua maxim alta punto jacas 4150 metri super la marala nivelo. An la horizonto dil urbo on povas vidar monto Illimani, alta de 6462 metri, ed altra monti.
La klimato dil urbo esas mihumida o "subtropikala" de alta regioni (Cwb segun la klimatala klasifikuro da Köppen), kun mezavalora temperaturo di 16°C, sen multa vario dum la tota yaro. La maxim varma monato esas novembro (printempo en suda misfero), kontre ke la maxim kolda monato esas junio (vintro0.
La pluvoza sezono iras de fino di novembro til la duimo di marto. La mezavalora yarala pluvo-quanto esas 602,5 mm, e la maxim pluvoza monato esas januaro, kun mezavalore 133,7 mm.
Yen exempli pri l'atraktivi turismala dil urbo: