La konfero di Berlin, eventinta de 1884 til 1885, anke konocata kom Kongo-Konfero establisis reguli por la koloniigo di Afrika e komerco en la regiono, e koincidis kun lor recenta emerso di Germana imperio kom imperiala povo. La konfero organizesis da Otto von Bismarck, l'uneska kancelero di Germania. La konfero kontributis por enduktar la kresko di kolonial agadi en la kontinento, e l'elimino di la lasta autonomio e propra lokala guvernerio en kelk ek lua regioni. De la 14 partopreninti en la konfero, sis – Austria-Hungaria, Rusa imperio, Dania, Nederlando, Suedia-Norvegia ed Usa – montris nula interesto pri Afrika, e recevis nula posedajo en la kontinento. Otoman imperio recevis nula posedajo en la partigo e fakte perdis teritorii en la nuna Egiptia e Libia, e sep landi – Belgia, Unionita Rejio, Francia, Portugal, Hispania, Italia e Germana imperio – recevis kolonii. Nur du regioni – Etiopia e Liberia – restis nedependanta.