Klimato-chanjo esas chanjo en la statistikala distributo di veter-shabloni kande ta chanjo duras por plulongigita tempo (exemple yardeki til yarmilioni). Klimato-chanjo povas referar a chanjo en mezavalora veterala standi, o dum la tempala variado di vetero dum longa termino mezavalora standi (exemple plu o min extrema vetera eventi). Ol eventas pro faktori quale biotala* procedi, variado en sun-radiado recevita sur la Tero, plako-dinamiko, e volkanala erupti. Homala emisaji di certa gasi quale metano e karbodioxido anke esas signifikiva kauzi di recenta klimato-chanjo.
Klimato-chanjo esas distinta de globala varmesko. Globala varmesko esas la kreskado di mezvalora temperaturo dum la yari. Recenta globala varmesko efektigesis precipue per emidaji di karbodioxido. La plu alta mezvalora temperaturi efektigas chanji klimatala.