Kik-boxo (ang. kick-boxing) esas kombat-sporto qua, quankam simila a boxo, uzas la pedi e anke la manui por frapar. Kik-boxo povas praktikesar por saneso generala. La kik-boxo reprezentas grupo di diciplini o kombat-sporti qua uzas la pedi e la pugni. Partikulare, kik-boxo esas un ek la la diciplini di boxe pieds-poings qua developesis unesme da la Japoniani e pose da la Usani. Esas diferanta speci di kick-boxing, plu populara formo esas un ube ped-frapi permisesas nur vers kapo e torso.
En la mezo del yari 1960ma, la Japoniano Kurosaki, qua entrenis en Karate Kyokushinkai, voyajis a Siam deskovranta la fako di boxo Siamana. Pos ilua retorno al Japonia decidis a kombinar ilua tekniki di karate kun ici di boxo Siamana, eliminanta kud-frapi (la Usani anke eliminis genu-frapi), tale nova sporto apelata "kik-boxo" naskis.
Inter la ne-Japoniani qua ganis plu sucesi, egardo partikulara devas donesar a Franco Christian Guillaume qua en 1969 ganis quar vinki e du remisi; e Usano Benny "The Jet" Urquidez qua en 1977 batis Tatsuyuki Suzuki en quar rondi.
En 1973 Urquidez e Howard Hanson kreis la WKA (World Karate Association), chanjanta pos yari la "K" di karate por ica di kik-boxo.
Maxim notora championi esas Rob Kaman, Benny Urquidez, Dennis Alexio, Ernesto Hoost, e Marek Piotrowski.
La pugn-frapi e ped-frapi permisesas por super la tayo, la sweepings e la low kicks (ped-frapi al kruro) permisesas.
La kombati "amatorala" esas duktata en tri rondi, e la profesionala duras 5 rondi; 10 en championo-konkursi di Europa e 12 en la championo-konkursi del mondo, kun temp-duimo (pauzo) di un minuto inter rondi.
La ped-frapi al kruro (ang. low kick) ordinare decidas super la difero en la kombati.
Pantaloni (longa o kurta), boxala ganti e protekt-equipilo por la denti e por la organi genitala; en la femina kombati, mulieri devas anke portar protekt-equipilo di pektoro e boti (ne postulata en la kombati profesionala).