Itamar Augusto Cautiero Franco | ||
![]() | ||
Prezidanto di ![]() | ||
Guvernisteso: | de la 2ma di oktobro 1992 til la 31ma di decembro 1994 | |
Precedanto: | Fernando Collor de Mello | |
Sucedanto: | Fernando Henrique Cardoso | |
Personal informi | ||
Naskodato: | 28 di junio 1930 | |
Naskoloko: | Ye bordo di Braziliana navo. Enrejistris ye Salvador, Bahia. | |
Mortodato: | 2 di aprilo 2011 | |
Mortoloko: | Sao Paulo, Sao Paulo | |
Spozo: | Ana Elisa Junerus (m. 1968-1971, divorced) | |
Profesiono: | injenioro | |
Politikala partiso: | Partido da Renovação Nacional - PRN (1989 til 1992) Partido do Movimento Democrático Brasileiro - PMDB (1992 til 2009) Partido Popular Socialista - PPS (2009 til 2011) |
Itamar Augusto Cautiero Franco (1930 til 2011) injenioro, esis prezidanto di Brazilia pos l'akuzo kontre lora prezidanto Fernando Collor de Mello en 1992. Ilu guvernis til la 1ma di januaro 1995, kande asumis Fernando Henrique Cardoso, elektita en oktobro 1994.
Il obtenis grado di injenioro en 1955 che Federala universitato di Minas Gerais - UFMG - e komencis en la politiko en 1958 kande elektesis komonala konsilisto dil urbo Juiz de Fora. Pos 1964 stato-stroko en Brazilia il filialigis su a lora partiso Braziliana Demokrata Movado - MDB, qua opozis militistala rejimo. Dum la yari 1980ma ilu filiagis su a la Partiso di Braziliana Demokrata Movado - PMDB, sucedinto de MDB, ed elektesis senatano por reprezentar Minas Gerais. En 1986 prizentis su kom kandidato del Partiso Liberala - PL - por guvernar Minas Gerais.
Kande Fernando Collor de Mello lansis su kom kandidato a prezidanto, Itamar Franco invitesis por esar viceprezidanto. Ilu aceptis e lor filiagis su a la Partiso por Nacionala Rikonstrukto - PRN - kreita da Collor de Mello. Kande Collor akuzesis, Itamar abandonis PRN e rifiliagis su a PMDB.
Dum lua guvernerio, lansesis Plano Real, por kombatar l'inflaciono. La monetaro Braziliana chanjesis del Cruzeiro Real a Real, komence kun kurso di kambio stiftita a dolaro di Usa. L'ekonomiala suceso di real pri kombato al inflaciono helpis elektir lua ex-ministro di Financi, Fernando Henrique Cardoso, kom lua sucedinto. Kande Cardoso asumis povo, ilu indikis por kurta periodo Itamar Franco kom Braziliana ambasadisto en Portugal, e pose ambasadisto en l'Organizuro di Amerikana Stati.
Itamar anke esis guberniestro di Minas Gerais de la 1ma di januaro 1999 til la 1ma di januaro 2003, ed en 2010 il itere elektesis senatano por reprezentar Minas Gerais, ofico asumita ye la 1ma di februaro 2011.
Ye la 21ma di mayo 2011 il deskovris havar leukemio, e kelka dii pos ilu livis senato por kuracar su che hospitalo Albert Einstein, en Sao Paulo. Ye la 27ma di julio mediki anuncis ke Itamar developis pulmonito e lua saneso dekadis. Malgre l'intensa medicinala helpo, Itamar mortis ye la 2ma di julio 2011[1] kom konsequo di cerebrala vaskulala stroko[2].