Igor Ivanovich Sikorsky | ||
![]() | ||
Profesiono: | injenioro | |
Lando: | ![]() | |
Naskodato: | 25 di mayo 1889 | |
Nasko-loko: | Kiyiv, Ukraina | |
Mortodato: | 26 di oktobro 1972 | |
Morto-loko: | Easton, Connecticut, Usa | |
Igor Ivanovich Sikorsky (1889 til 1972) esis Rusiana injenioro, aviacilo-desegnisto, qua inventis helikoptero.
Igor Sikorsky naskis en Kiiv ye la 25ma di mayo 1889. Ilua patro, Ivan Alexeevich Sikorsky, esis profesoro di psikologio, ed esis decendanto di Polona nobeli. La yuna Igor esis inspirata da la verkaro di Leonardo da Vinci e la rakonti di Jules Verne. Il studiis kom injenioro ye la navala akademio di Sankt-Peterburg. Dum 1909 il studiis en Paris, qua lore esis notinda aviacala centro. En 1913, ye la aviacilo-fako di fervoyala veturo-fabrikerio en Sankt-Petersburg, il konstruktis la unesma quar-motora aeroplano qua povis flugar. De 1919 il rezidis en Usa. Pos kelka yari kom docisto il establisis kompanio qua desegnis e produktis mar-aeroplani. Il havis intereso pri vertikala flugado, ed en 1940 ilua experimentala helikoptero flugis unesmafoye, e ca desegnuro divenis l'unesma helikoptero fabrikita en granda nombri.