Adminime de 25 mil yari aK, homi habitas la monti Huns, sude de Namibia. En la monti Brandberg existas multa pikturi en la roki datizita de cirume 2 mil yari aK. Tamen, ne existas klara indikajo pri quala populo piktis li.
La sika teritorio di la lando habitesis da populi bushmani, Damara e Nama e, pos la 14ma yarcento, da Bantua populi. L'unesma Europani qui exploris la regiono di Namibia e Walvis Bay esis Portugalani Diogo Cão en 1485, e Bartolomeu Dias en 1486. Tamen, Portugal ne interesis su pri la regiono, vicina la dezerto Namib. La populo Herero arivis en la regiono cirkume la 17ma yarcento.
Dum la 19ma yarcento, blanka farmisti, konocata kom Buri translojis su adnorde ed ekpulis lokala populo Khoisan, qua komencis feroca rezisto proxim la fluvio Orange. Konocata kom Oorlams, ca populo Khoisan adoptis kustumi de la Buri e parolis kreola linguo simila ad Afrikansa linguo. En 1883, Adolf Lüderitz, Germana komercisto, kompris la regiono "Angra Pequena" (pose Lüderitzbucht - "bayo Lüderitz") de la chefo di le Nama, Josef Frederiks la 2ma. Namibia koloniigesis dal Germani, ed en 1884, ol divenis kolonio nomizita Germana Sud-West-Afrika (Deutsch-Südwestafrika). En aprilo 1885 Germani fondis koloniala kompanio Deutsche Kolonialgesellschaft für Südwest-Afrika - DKGSWA - kun la helpo di bankisti, industriisti e politikisti. DKGSWA recevis monopolo por explotar minerala jaceyi. En 1908, deskovresis diamanti en la regiono.
Dum l'Unesma mondomilito, Namibia okupesis da Sudafrika. Ta okupeso ne agnoskesis dal Unionita Nacioni pos la duesma mondomilito. En 1946, Sudafrika refuzis abandonar la regiono. Konseque, en 1966 kreesis SWAPO, organizuro dil populo di sud-westal Afrika. Balde komencis nedependo-milito. La lando oficale nedependanteskis de Sudafrika ye la 21ma di marto 1990. En 1994, kun fino di apartheid, Sudafrika retrodonis Walvis Bay a Namibia. Ank en 1994 komencis milito pri nedependo di la teritorio Caprivi, este de la lando, komandita da rebela grupo nomizita Armeo por la Liberigo di Caprivi (Angle: Caprivi Liberation Army). La kulmino di la milito eventis en 1999, kande rebeli atakis Katima Mulilo, chef-urbo di la provinco Caprivi.
Pos la nedependantesko, Namibia sucese kompletigis la transfero di povo de la blanka elito a la negra majoritato, e divenis parlamentala demokratio. Pos 15 yari, la transito di povo de Sam Nujoma a Hifikepunye Pohamba eventis pacoze.
![]() |
Historio di Afrika
|
---|---|
Aljeria | Angola | Benin | Botswana | Burkina Faso | Burundi | Centrafrika | Chad | Demokratial Republiko Kongo | Djibuti | Egiptia | Equatorala Guinea | Eritrea | Eswatini | Etiopia | Gabon | Gambia | Ghana | Guinea | Guinea Bisau | Ivora Rivo | Kabo Verda | Kamerun | Kenia | Komori | Kongo | Lesotho | Liberia | Libia | Madagaskar | Malawi | Mali | Maroko | Maurico | Mauritania | Mozambik | Namibia | Nigeria | Nijer | Ruanda | San-Tome e Principe | Senegal | Sierra Leone | Seycheli | Somalia | Sudafrika | Sudan | Sud-Sudan | Tanzania | Tunizia | Togo | Uganda | Zambia | Zimbabwe |