Heinkel He 111 | |||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|
![]() Germana Heinkel He 111 dum la Duesma mondomilito
|
Heinkel He 111 esis la precipua Germana bombardoaviono uzita dum la batalio di Britania. Ol projetesis en la kompanio Heinkel Flugzeugwerke, dal injenioro e konstruktisto Ernst Heinkel. L'aviono flugis unesmafoye ye la 17ma di novembro 1934. On kalkulas ke entote 7 300 He-111 fabrikesis de 1935 til 1944.
Ol uzesis por transportar bombi en multa batalii de la duesma mondomilito ed anke por transportar torpedi dum batalii super l'Atlantiko e l'Arktiko. Lua maxima kapaceso di bombi esis 2 500 kg.
Lua maxima rapideso esis 400 km/h. Ol povis flugar admaxime 2 800 km kun lua kombustivo-tanki plena. La modelo modernigesis multafoye, ma ja esis obsoleta dum la finala batalii de la duesma mondomilito. Hispania recevis kelka exempleri en 1943, e la kompanio Hispana Construcciones Aeronáuticas SA produktis ol sub licenso, uzinte la nomo CASA 2.111, e motori Merlin, de Britaniana kompanio Rolls Royce.