Hannah Arendt | ||
![]() | ||
Okupeso: | filozofo | |
Lando: | ![]() ![]() | |
Naskodato: | 14 di oktobro 1906 | |
Nasko-loko: | Hannover, Germaniana Imperio | |
Mortodato: | 4 di decembro 1975 | |
Morto-loko: | New York, Nova-York, Usa | |
Hannah Arendt (n. Johanna Arendt ye la 14ma di oktobro 1906 til la 4ma di decembro 1975) esis Germana filozofo e politikala teoriisto.
Hannah Arendt esis de progresema sekulara juda familio. Pro la sanesala stando di elua patro la familio Arendt translojis de Hannover (quartero Linden-Limmer) a Köningsberg. Hannah Arendt studiis filozofio en Marburg che Martin Heidegger kun qua el havis amoro-relato (dum quar yari). Pro augmentant antisemidismo en Germania, Hannah Arendt fugis ad Francia en 1933. Tamen, kande Germania invadis Francia en 1940, el venis en koncentreyo en Gurs (Francia). El sucesis eskapar e fugar ad Usa. El obtenis Usana civitaneso en 1950. Per publikigo di L'Origino di Totalitareso el obtenis famo (1951). Plusa tituli sequis. Pos asistir la judicio di Adolf Eichmann en Ierusalem el publikigis artikli (kin) Eichmann en Ierusalem - la Banaleso di Maligneso, analizo pri la 'spektaklo'-proceso, la nazio-sistemo e persono di Eichmann, en la revuo la New Yorker, pose l'artikli editesis kom libro.