George Gershwin | ||
![]() | ||
Profesiono: | kompozisto | |
Lando: | ![]() | |
Naskodato: | 26 di septembro 1898 | |
Nasko-loko: | New York, Nova-York | |
Mortodato: | 11 di julio 1937 | |
Morto-loko: | Hollywood, Kalifornia | |
Retoloko: | http://gershwin.com | |
George Gershwin (1898 til 1937) esis Usana kompozisto di jazo. Il esis la yuna fratulo dil kompozisto Ira Gershwin.
Ilua koncerto-peco Rhapsody in Blue, esis unesmafoye pleyata ye la 12ma di februaro 1924 en New York, Gershwin pleyante la piano. La muzikisto Paul Whiteman demandabis koncerto-peco de lu en novembro 1923, por projetata koncerto di jazo; malgre ke Gershwin ne aceptis lo, pro manko di tempo, la expektata verko esis anuncata frue en januaro. Gershwin dum kelka semani kompozis la verko, por du piani, e Ferde Grofé aranjis ol por piano ed orkestro. La kompozuro balde divenis famoza, ed esis importanta kom un de la inicianti di la "Ero di Jazo".
Ilua orkestrala verko An American in Paris esis unesmafoye pleata ye la 13ma di decembro 1928 en New York. Plu frue en 1928 il voyajis ad Europa e renkontris plura kompozisti ed artisti. Dum ke il rezidis en Paris il kompozis ca verko. Il skribis, "Mea skopo hike esas deskriptar la impresuri di Usana vizitanto en Paris dum ke il flanas cirkum la urbo, askoltas la diversa strado-bruisi, ed absorbas la Franca atmosfero."
Pos la unesma pleadi di ilua opero Porgy e Bess en New York en 1935, il rezidis en Hollywood por kompozar muziko por filmo. Frue en 1937 il sufris pro severa kapo-dolori, humoro-ocili e mala koordinado. Ca trubli divenis plu mala, e fine il mustis subisar kirurgiala operaco, qua ne esis sucesoza.