Fort Lauderdale, Florida | ||
![]() | ||
Aeral imajo pri Fort Lauderdale. | ||
![]() |
![]() | |
Standardo | Blazono | |
Lando: | ![]() | |
Stato: | Florida | |
Informo:
| ||
Latitudo: | 28°08'09" N | |
Longitudo: | 80°08'31" W | |
Altitudo: | 2 m | |
Surfaco: | 94,05 km² | |
Habitanti: | 182 760 (2020) | |
Denseso di habitantaro: | 2040,21 hab./km² | |
Horala zono: | UTC-5 (UTC -4 dum la somero) | |
Urbestro: | Dean Trantalis (D) | |
Mapo:
| ||
![]() | ||
Oficala retosituo:
| ||
www.fortlauderdale.gov |
Fort Lauderdale, konocata kom la "Venezia di Amerika," esas urbo en la komtio Broward, en Florida, Usa. Ol surnomizesis "Fort Liquordale" pro lua atmosfero. Segun la demografiala kontado di 2020, ol havis 182 760 habitanti, kontre 165 521 habitanti en 2010, e 152 397 habitanti en 2000.
Segun l'Usana Kontado Ministerio, l'urbo havas entote 93.3 km², equivalanta a 36.0 mi², di qui 82.2 km² o 31.7 mi² esas lando e 11.1 km² o 4.3 mi² (11.91% de lua surfaco totala) esas aquo.
La reliefo di Fort Lauderdale esas plana, adjacanta l'Oceano Atlantiko. Fore lua rivo konstruktesis de uzita bandaji l'artificala rifo Osborne, qua divenis ekologiala dizastro pro la nilona kordi qui kunligis la bandaji subisis korodo, e kande eventas tempesti ed uragani, l'ondi jetas li en la plaji.
La klimato dil urbo esas tropikala pluvoza (Af segun la klimatala klasifikuro da Köppen). La mezavalora temperaturi varias poke dum la yaro. Omnayare, de la 1ma di junio til la 30ma di novembro eventas la uragana sezono. L'uragani frapas l'urbo precipue dum septembro ed oktobro. L'uragano Katrina frapis l'urbo severe en 2005.
La mezavalora yarala pluvo-quanto esas 1579,4 mm, e la maxim pluvoza monato esas junio, kun mezavalore 258,1 mm.
Segun la demografiala kontado di 2000, esis 152 397 homi, 68,468 hemanari, e 33,001 familii qui rezidis en la urbo. La denseso di habitantaro esis 1,854.4/km² (4,803.1/mi²). Esis 80,862 domi kun mezvalora denseso di 984.0/km² (2,548.5/mi²). Segun raso, esis 64.27% Blanki, 28.88% Negri od Afrikan-Usani, 0.23% indijeni Amerikana, 1.03% Aziani, 0.05% Pacifik-insulani, 1.76% de altra rasi, e 3.79% de du o plura rasi, e 9.45% de la habitantaro esis Hispan-Amerikani o Latin-Amerikani de irga raso.
Esis 68,468 hemanari di qui 19.6% havis pueri od adolecanti evante min kam 18 yari en la domo, 32.2% esis mariajita e habitis kune; en 11.5% muliero sen spozulo esis la domo-chefo, e 51.8% esis ne-familii. En 40.3% de omna hemanari vivis unika sola individuo, e 11.7% habitesis da ulu evante 65 yari o pluse qua vivis sole. La mezvalora grandeso po hemanaro esis 2.14 e la mezvalora grandeso po familio esis 2.97 personi.
La procento di habitanti segun evo esis: 19.4% evante min kam 18 yari, 7.7% de 18 til 24 yari, 32.8% de 25 til 44 yari, 24.8% de 45 til 64 yari, e 15.3% evante 65 yari o pluse. La mezvalora evo esis 39 yari. Po singla 100 mulieri esis 110.0 viri. Po singla 100 mulieri evante 18 yari o pluse esis 111.1 viri.
La mezvalora revenuo po hemanaro en la urbo esis $37,887, e la mezvalora revenuo po familio esis $46,175. La mezvalora revenuo por la viri esis $34,478 kontre $27,230 por la mulieri. La revenuo per capita por la urbo esis $27,798. Cirkume 17.7% de la habitantaro 13.8% de la familii vivis sub la povreso-lineo, inkluzite 29.0% ek omna habitantaro evante min kam 18 yari, e 11.1% ek omna habitantaro evante 65 yari o pluse.
Existas ferovoyala lineo longa de 114 km, qua trairas Fort Lauderdale e ligas ol a Miami e West Palm Beach.
Urbo | Lando | Yaro |
---|---|---|
Agogo, Ghana | ![]() |
2001~[1] |
Belo Horizonte | ![]() |
2003[2] |
Cap-Haïtien | ![]() |
2003[3] |
Duisburg | ![]() |
2011[4] |
Gold Coast, Queensland | ![]() |
1980[5] |
Haifa | ![]() |
2002[6] |
Isla Margarita | ![]() |
1997[7] |
Kaohsiung | ![]() |
2008[8][9] |
La Romana | ![]() |
1995[10] |
Mar del Plata | ![]() |
2000[11] |
Mataró | ![]() |
2014[12] |
Medellín | ![]() |
1967[13][14] |
Mugla | ![]() |
1995~[10] |
Panama-urbo | ![]() |
2001~ |
Quepos | ![]() |
2003[3] |
Rimini | ![]() |
1985[15] |
São Sebastião, São Paulo[16] | ![]() |
2001~[1] |
Sefton, Merseyside | ![]() |
2000[17] |
Venezia | ![]() |
2007[18] |
Montería | ![]() |
2018 |