Andreas Antonius Maria "Dries" van Agt | ||
![]() | ||
Chefministro di ![]() | ||
Guvernisteso: | de 19 di decembro 1977 til 4 di novembro 1982 | |
Precedanto: | Joop den Uyl | |
Sucedanto: | Ruud Lubbers | |
Personal informi | ||
Naskodato: | 2 di februaro 1931 | |
Naskoloko: | Geldrop-Mierlo, Nederlando | |
Mortodato: | 5 di februaro 2024 | |
Mortoloko: | Nijmegen | |
Spozo: | Eugenie Krekelberg | |
Profesiono: | advokato e politikisto | |
Politikala partiso: | Christen Democratisch Appèl - CDA |
Andreas Antonius Maria "Dries" van Agt (n. 2 di februaro 1931, m. 5ma di februaro 2024) advokato e politikisto, esis chefministro di Nederlando de 1977 til 1982. Pos abandonir la politiko, il anke laboris kom ambasadisto en Japonia ed Usa.
Pos ilua (chef-)ministreso il vizitis cisjordania e vidis la cirkonstanci di la Palestinani. Depos ta vizito Van Agt fondis la Human Rights Forum qua atencigis pri la situeso di la Palestinani e suportis e pledis la yuri di la Palestinani.
Kom Brabantano il prizis la karnavalo ed esis fanatik amanto di biciklo-konkurso precipue la Rondo di Francia. Kom katoliko il esis konservem e por valori konservema. Tamen, kande ilua partiso intencis koalisar kun la PVV, extrem-dextra partiso, il minacis desmembrigar su de la CDA. Van Agt restis membro di la CDA, ma - segun propra dico - votis por la progresema partiso GroenLinks (verdi) (2017). Plu tarde, pro deskontenteso pri la 'poltronal' atitudo di CDA koncernante l'Israelan-Palestinana konflikto, il desmembrigis su definitive en 2021[1].
Van Agt exekutis eutanazio, kun sua sam-evanta spozino, ye la sama dio. Li mortis manuo-en-manuo[2].