Charlie Chaplin | ||
![]() | ||
Profesiono: | filmifisto e cinem-aktoro | |
Lando: | ![]() | |
Naskodato: | 16 di aprilo 1889 | |
Nasko-loko: | London, Anglia | |
Mortodato: | 25 di decembro 1977 | |
Morto-loko: | Vevey, Suisia | |
Retoloko: | https://www.charliechaplin.com | |
Charlie Chaplin (naskita Charles Spencer Chaplin, Jr. (1889 til 1977) esis burleska Angliana aktoro di cinemo ed anke filmifisto.
Lua precipua rolo note en muta cinemo es vaganto, mizeroza e fripona, kontresocia ed obstinanta, revoltanta e sentimentala.
Chaplin komencis kariero kom filmo-aktoro en decembro 1913, ye la Keystone-studieyo di Mack Sennett en Kalifornia. Ilu deskovresis da la Keystone-studieyo dum turo di Usa kun la komedio-kompanio di Britaniana teatrala direktisto Fred Karno.
En lua duesma filmo por Sennett, Chaplin aparis kom mendikanto, kun la male fitanta pantalono e mikra chapelo per qui ilu divenis famoza. En ca filmo, Kid Auto Races at Venice, la mendikanto esas spektanto qua obstruktas altra spektanti ye konkurso-evento.
Il balde komencis direktar la filmi en qui il aparis. Il livis la studieyo di Sennett pos un yaro; il povis postular alta pago pro sua populareso.
Ye 5 di februaro 1919, Chaplin, Douglas Fairbanks, Mary Pickford e D. W. Griffith fondis la filmo-kompanio "United Artists". La skopo esis ke aktori povus plu bone direktar sua interesi, vice dependar de komercala studieyi, qui regulizis salarii di aktori e facis kreiva decidi. Dum ke l'industrio pri filmi evolucionis en sequanta yari, "United Artists" adaptis su.
Ye 21 di januaro 1921, ilua filmo The Kid unesmafoye videsis. Ol esis ilua unesma filmo di plena longeso (68 minuti). La filmo esis sucesoza, e nuntempe esas egardata kom un ek la maxim notinda de la ero di muta cinemo. The Kid kombinas dramato e komedio; Chaplin pleas vaganto, ja vidita en ilua antea filmi, qua adoptas yunulo, pleata da Jackie Coogan, lor evante sis yari. Coogan pose divenis notinda puero-aktoro en filmi.