Bernard "Bernie" Sanders | ||
![]() | ||
Profesiono: | militisto e politikistulo (Senatano) por Vermont | |
Lando: | ![]() | |
Naskodato: | 8 di septembro 1941 | |
Nasko-loko: | New York, Nova-York, Usa | |
Retoloko: | https://berniesanders.com | |
Bernard "Bernie" Sanders (n. ye la 8ma di septembro 1941), esas Usana politikisto. Depos 2007 ilu esas nedependa senatano por l'Usana stato Vermont. Lu famoze esas longatempe la precipua partisano por socialismo en l'Usana nacionala politiko. Il es un del kandidati por nominato prezidantala dil Demokrata Partiso. Il anke esis un de du chefa kandidati por la Demokrata kandidateso por la prezidantal elekto di 2016, ma perdis la kandidateso a Hillary Clinton. Sanders ofte parolas pri sua sucii pri plutokratio en Usa ed opozas neegaleso e povreso. Lu apartenas al min militema flanko dil Demokrata Partiso.
Ilu esis urbestro di Burlington de aprilo 1980 til aprilo 1989. Pose esis il nedependa reprezentanto por Vermont de januaro 1991 til 2007. Il esis ofta kandidato por la socialista Liberty Union dum la 1970ma yari.
Sanders konsideresas kom un del maxim influoza sinistra politikisti en Usa. Ad ilua kampanio prezidantala en 2016 on atribuas la kresko di socialista e socialdemokrata kandidati en la Usana politiko. Lua kampanio anke popularigis la praktiko di refuzar donacaji pekuniala del granda firmi e la sektoro financal.
Ilua fratulo Larry Sanders esas lokala politikisto por la Verda Partiso di Anglia e Wals en Oxford.
Sanders, naskinte en Brooklyn, New York ye la 8ma di septembro 1941, esas la filio di Elias Ben Yehuda Sanders e Dorothy "Dora" Sanders. Elias esis Poloniana Juda enmigranto ek Galicia, Dorothy naskis en New York kom filio di Rusa e Polonia Juda genitori. Ilua patro esis vendisto di farbo. Segun Larry Sanders la familio nultempe indijis manjajo o vesti, ma ofte ne povis sustenar plu granda spensi. Bernie Sanders dicabis ke esis frue klara por il ke politiko importas, dicinte ke l'elekto di Adolf Hitler e la Holokausto montris to.
Bernie Sanders studiis dum un yaro che Brooklyn College de 1959 til 1960 e lore movis a la University of Chicago, ube il aquiris BA en 1964. En Chicago il divenis aktivisto por la Civil Rights Movement.
Sanders divenis nedependanta kandidato por urbestro di Burlington ye 1980. Lua kandidateso esis sucesoza, ganante per majoritato di 10 voti. Sanders esis urbestro de 1981 til 1989.
Multa jurnalista organazuri traktis la elekto di Sanders kom stranjajo. Il lore decidis ke il bezonos sua propra kanali di komunikado.
Kom urbestro Sanders ofte kritikis Usana politiko en Latin Amerika.