Bananarama esas angla femina muziko-bando, originale formacita en London en 1981.
Eli esas famoza pro multa sucesoza kansoni, inkluze "It Ain't What You Do...", "Really Saying Something", "Shy Boy", "Na Na Hey Hey Kiss Him Goodbye", "Cruel Summer", "Robert De Niro's Waiting...", "Love in the First Degree", "Venus", ed "I Heard a Rumour".
La originala membri dil grupo esas Sara Dallin, Siobhan Fahey e Keren Woodward. Fahey livis la grupo en 1988 por formacar Shakespears Sister. El remplasesis da Jacquie O'Sullivan, elqua ipsa livis en 1991. La grupo duris kom duo.
En 1982 Bananarama kunlaboris kun Fun Boy Three pri la kansoni "It Ain't What You Do (It's The Way That You Do It)" e "Really Saying Something".