Alban Berg (n. 9ma di februaruo 1885, m. 24ma di decembro 1935) esis Austriana kompozisto.
En la historio di la muziko di la 20ma yarcento, il esas egardata, kun Arnold Schoenberg ed Anton Webern, kom membro di la "Duesma Wienana Skolo".
Ye la 2ma di junio 1937 eventis en Zürich la unesma pleado di lua opero Lulu. La libreto esis adaptajo da la kompozisto de Erdgeist e Die Büchse der Pandora da la expresista dramatisto Frank Wedekind. La sucesoza unesma opero da la kompozisto, Wozzeck, unesmafoye pleesis en 1925. Lor la morto di Berg en 1935, la lasta de la tri akti di Lulu esis skisita ma ne esis kompleta; la opero vidita en 1937 havis du akti. Ilua vidvino esforcis trovar kompozisto qua povis kompletigar la verko, ma pos kelka deskurajigesi el decidis ne permisar kompletigi. El mortis en 1976; kompleta versiono di tri akti, preparita da Friedrich Cerha, esis unesmafoye vidita en Paris en 1979.