Quintana Roo | |
---|---|
Estado ti Mehiko | |
Nagsasabtan: 19°36′0″N 87°55′12″W Nagsasabtan: 19°36′0″N 87°55′12″W | |
Pagilian | Mehiko |
Napundar | Oktubre 8, 1974 |
Kapitolio | Chetumal |
Kalawa | |
• Dagup | 44,705.00 km2 (17,260.70 sq mi) |
Kangato | 31 m (102 ft) |
Populasion (2020)[1] | |
• Dagup | 1,857,985 |
• Densidad | 42/km2 (110/sq mi) |
Sona ti oras | UTC−05:00 |
Kodigo ti koreo | 77 |
Website | www |
Ti Quintana Roo (Panangibalikas nga Espaniol: [kinˈtana ˈro]), opisial a ti Nawaya ken Naturay nga Estado ti Quintana Roo (Espaniol: Estado Libre y Soberano de Quintana Roo), ket maysa kadagiti 31 nga estado, a no mairaman ti Pederal a Distrito, ket mangbukel kadagiti 32 a Pederal nga Entidad ti Mehiko. Daytoy ket nabingbingay kadagiti 10 nga ili ken ti kapitolio a siudadna ket ti Chetumal.
Ti Quintana Roo ket mabirukan idiay akindaya a parte ti Peninsula Yucatán ken beddengan daytoy babaen dagiti estado ti Campeche iti laud ken ti Yucatán iti amianan a laud, ken babaen dagiti distrito ti Orange Walk ken Corozal ti Belis, ken mairaman pay ti maysa a minia ti pagbeddengan iti Distrito ti Belis iti abagatan. Ti Quintana Roo ket addaan iti aplaya iti daya iti Baybay Karibe ken iti amianan iti Golpo ti Mehiko. Tumunton pay daytoy iti teritorio a mangited daytoy iti basbassit a pagbeddengan iti Guatemala iti abagatan a laud ti estado, ngem daytoy ket suppiatan a lugar a tuntunen pay babaen ti Campeche.
Ti Quintana Roo ket ayan ti siudad ti Cancún, dagiti isla ti Cozumel ken Isla Mujeres, ken dagiti ili ti Bacalar, Playa del Carmen ken Akumal, ken dagiti pay taga-ugma a tidda ti Maya ti Chacchoben, Cobá, Kohunlich, Muyil, Tulum, Xel-Há, ken Xcaret.
Ti estado ket opisial a sakupenna ti kalawa iti 44,705 a kuadrado kilometro (17,261 sq mi), ngem manipud idi 1997 adda maysa a suppiat iti pagbeddengan kadagiti estado ti Yucatán ken Campeche iti maysa a lugar iti agarup a 10,200 a kuadrado kilometro (3,900 sq mi).[2][3]
Dagiti midia a mainaig iti Quintana Roo iti Wikimedia Commons
Pakaammo ti panagbiahe idiay Quintana Roo manipud iti Wikivoyage (iti Ingles)
Heograpiko a datos a mainaig iti Quintana Roo iti OpenStreetMap
Sapasap | |
---|---|
Dagiti nailian a biblioteka | |
Dadduma |