Mori Bawah | |
---|---|
Patubo iti | Indonesia |
Rehion | Sulawesi |
Patubo a mangisasao | (28,000 iti Mori Atas ti nadakamat idi 1988)[1] |
Austronesio
| |
Kodkodigo ti pagsasao | |
ISO 639-3 | xmz |
Glottolog | mori1268 |
Ti pagsasao a Mori Bawah, ammo pay a kas Lower Mori wenno Daya a Mori, ket ti maysa a pagsasao nga Austronesio ti sanga ti Celebiko. Daytoy ket maysa kadagiti nangruna a pagsasao ti Rehensia ti Morowali idiay Tengnga a Sulawesi.
Ti Mori Bawah ket naidasig a kas kameng dagiti grupo ti pagsasao ti Bungku-Tolaki, ken makibinningay kadagiti kaasitgan a pakaikabagian iti Bungku ken dagiti sabali a pagsasao ti akindaya nga aplaya ti Sulawesi, a kas ti Wawonii ken Kulisusu.[2] No agkaduada, ti Mori Bawah ken ti pagsasao a Mori Atas ket sagpaminsanda a maibagbaga babaen ti termino a ‘Mori’.
Ti Mori Bawah ket addaan kadagiti nadumaduma a dialekto. Segun ken ni Esser, dagiti lima a dialekto ket mabalin nga ikeddeng a kas nangruna.[3]
Ti dialekto a Tinompo ket ti kangatuan iti prestihio. Ti Tinompo ket isu idi ti dialekto nga insasao babaen dagiti naarian a klase ti indihenio, ken idi immuna a maikaduapulo a siglo, kaaduan pay a naital-o babaen dagiti turay ti kolonia a kas pagalagadan iti amin a paset ti lugar ti Mori, a mairaman para iti Mori Atas ken Padoe.