| Koptiko | |
|---|---|
| ⲘⲉⲧⲢⲉⲙ̀ⲛⲭⲏⲙⲓ, Μετ Ρεμνχημι Mad.Rmenkami | |
| Patubo iti | Ehipto, Kanada, Australia, Estados Unidos |
| Panawen | Maika-2– Maika-17 a siglo. Nagbiag a kas ti liturhiko a pagsasao iti Koptiko a Simbaan. |
Apro-Asiatiko
| |
| Alpabeto a Koptiko | |
| Kodkodigo ti pagsasao | |
| ISO 639-2 | cop |
| ISO 639-3 | cop |
Ti Koptiko wenno Koptiko nga Ehipsio (ⲘⲉⲧⲢⲉⲙ̀ⲛⲭⲏⲙⲓ Met Remenkēmi) ket isu ti agdama nga agpang iti pagsasao nga Ehipsio, daytoy ket maysa nga akin-amianan nga Apro-Asiatiko a pagsasao a maisasao idiay Ehipto aginggana idi maika-17 a siglo.[1] Ti Ehípsio ket narugian a sinuratan babaen ti panagusar ti Griego nga abesedário idi umuna a siglo.[2] Daytoy a baro a sistema ti panagsurat ket nagbalin a ti Koptiko a sinuratan, maysa a naampon nga alpabeto a Griego a nanayonan kadagiti innem wenno pito a senial manipud iti demotiko a sinuratan a mangipabagi dagiti Ehipsio nga uni nga awan iti pagsasao a Griego. Adda dagiti nadumaduma a dialekto a Koptiko a nainaganan, ti kangrunaan ket dagiti Sahidiko ken Bohairiko.
Ti Koptiko ken Demotiko ket asideg a maikabagian iti Naladaw nga Ehipsio, a daytoy ket naisurat iti sinuratan a Heroglipiko. Ti Koptiko ket rimmang-ay a kas ti literario a pagsasao manipud idi maika-2 aginggana idi maika-13 a siglo, ken ti bukodna a dialekto a Bohairiko ket agtultuloy nga isu ti liturhikal a pagsasao iti Koptiko nga Ortodokso a Simbaan iti Alehandria. Sinumallin daytoy babaen ti Ehipsio nga Arabiko a kas ti maisasao a pagsasao idi kapapanan ti nasapa a moderno a panawen, ngem ti panagungar a ganetget ket naiparugi manipud idi maika-19 a siglo.