Narvacan | |
---|---|
![]() | |
Nagsasabtan: 17°25′9″N 120°28′32″E Nagsasabtan: 17°25′9″N 120°28′32″E | |
Pagilian | ![]() |
Rehion | Ilocos (Rehion I) |
Probinsia | Ilocos Sur |
Distrito | Maika-2 a distrito |
Barbaranggay | 34 |
Gobierno | |
• Alkalde | Luis C. Singson |
Kalawa | |
• Dagup | 122.21 km2 (47.19 sq mi) |
Kangato | 19 m (62 ft) |
Populasion (2020)[3] | |
• Dagup | 46,234 |
• Densidad | 380/km2 (980/sq mi) |
Sona ti oras | UTC+08 (PST) |
Koreo | 2704 |
Panagtawag | 77 |
Matgedan | Maika-2 a klase |
Website | www |
Ti Narvacan ket maysa a maikadua a klase nga ili iti probinsia ti Ilocos Sur iti Filipinas.
Ti Narvacan ket nabennebenneg iti 34 a barbaranggay.[2]
Ti Narvacan ket naduktalan idi babaen ti ekspedisionario a puersa ti Kastila a naipatulod manipud idiay Vigan babaen ti opisial ti militar ken nabigador a ni Kapitan Juan de Salcedo. Dagiti puersa ti Kastila ket narakrak ti barkoda iti igid ti pantar ti ili. Idi isalsalakan babaen dagiti umili, sinaludsod dagiti Kastila no ania ti nagan ti lugarda. Ti insungbat met ti daulo ti ili iti Ilokano ket babaen ti panagsaludsod kadagiti Kastila iti "Nalbakan?". Inpagpagarup met dagiti Kastila a daytoy ti sungbat ti saludsodda, manipud idin ti lugar ket naaw-awaganen a kas ti Narvacan.
Ginayyen ni Salcedo ti bassit a tribu dagiti patneng a tattao ti ginget a nagtataeng iti lugar bayat a dagiti Kastila ket nangipatakderda iti ili idi 1576. Kas paset ti moderno nga ili, ti parokia ti Romano Katoliko ket binagon idi babaen ti relihioso nga urnos dagiti Agostino idi 25 Abril 1587. Ti parokia ti Narvacan ket agbalinto a maysa kadagiti immuna a parokia ti Romano Katoliko iti agdama a probinsia ti Ilocos Sur.
Ti Narvacan ket naurnos idi babaen kadagiti tradision iti naarian a gobierno ti Espania. Ti naarian a pamilia ti Habsburg ket nagserbida idi a kas daulo ti estado nga isuda met ti nangidutok kenni Santiago de Vera a kas Presidente ti Royal Audiencia – ti gobernador ti rehion a pakabirukan ti Narvacan. Idi 1589, ni Gobernador Vera ket indutokna ni Nicolas de Figueroa a kas ti immuna nga Encomendero de Narvacan – kangrunaan nga administrador ti ili ken dagiti kaarrubana iti sistema ti encomienda. Ti papelna ket kanungpalan a nagbalin iti opisina iti alcalde.
|
| |||||||||||||||||||||||||||||||||||||||||||||||||||
Taudan: PSA [4] [5] [6] [7]LWUA[8] |
Dagiti umili ti Narvacan ket kaaduan a Romano Katoliko. Adda met dagiti minoridad a Metodista a Kristiano. Ti pagsasao ti ili ket Ilokano.
Mabirukan daytoy iti lumaud a pantar ti isla ti Luzon, ti Narvacan ket mabirukan iti ginget a napalikmutan dagiti bantay. Ti nalames a rehion nga addaan iti nalamiis ken kalalainganna a tropikal a klima, dagiti kangrunaan nga apit ti Narvacan ket mais, kapas, anyil, bagas, unas ken tabako.
Idi las-ud ti turay dagiti Kastila, ti munisipal a gonierno ket indauluan idi babaen ti Gobernadorcillos. Ti titulo ti ehekutibo a daulo ti ili, nupay kasta, daytoy ket nagbalin kadagiti Kapitan, Presidente Militar, Alcalde Mayor, Mayor Militar, ken Mayor ti ili.
Idi naipatakder ti militar a gonbierno babaen dagiti Amerikano, ni Don Severino Cordero ket naidutok a kas ti Presidente Militar. Idi nabangon ti sibil a gobierno, ni Don Severino Cordero ket isu idi ti immuna nga Alcalde Mayor. Dagiti sumaganad ket dagidi simmarsaruno:
Dagiti mayor ti ili manipud idi Maikadua a Sangalubongan a Gubat: