Gustav Ludwig Hertz | |
---|---|
Nayanak | Siudad ti Nawaya a Hanseatiko ti Hamburg, Imperio ti Alemania | 22 Hulio 1887
Natay | 30 Oktubre 1975 Daya a Berlin, Daya nga Alemania | (tawen 88)
Pakipagilian | Aleman |
Alma mater | Unibersidad ti Humboldt ti Berlin |
Nakaam-ammuan | Eksperimento Franck–Hertz |
Dagiti gungguna | Premio Nobel iti Pisika (1925) Medalia Max Planck (1951) |
Sientipiko a pagsapulan | |
Dagiti pagobraan | Pisika |
Dagiti patakder | Unibersidad ti Halle |
Doktoral nga agbalbalakad | Heinrich Rubens Max Planck |
Dagiti doktoral nga estudiante | Heinz Pose |
Dagiti nota | |
Ama ni Carl Hellmuth Hertz |
Ni Gustav Ludwig Hertz (22 Hulio 1887 – 30 Oktubre 1975) ket maysa idi nga eksperimental a pisiko ken nangabak iti Premio Nobel, ken kaanakan a lalaki ni Heinrich Rudolf Hertz.
Nayanak ni Hertz idiay Hamburg, ti anak a lalaki ni Auguste (née Arning) ken maysa nga abogado, a ni Gustav Theodor Hertz (1858–1904),[1] Ti kabsat a lalaki ni Heinrich Rudolf Hertz. Isu ket nagadal idiay Unibersidad Georg-August ti Göttingen (1906–1907), ti Unibersidad Ludwig Maximilians ti Munich (1907–1908), ken ti Unibersidad ti Humboldt ti Berlin (1908–1911). Isu ket nakagun-od iti doktorado idi 1911 babaen ni Heinrich Leopold Rubens.[2][3]
Manipud idi 1911 aginggana idi 1914, ni Hertz ket katakunaynay idi ni Rubens idiay Unibersidad ti Berlin. Daytoy idi a panawen a nagar-aramid ni Hertz ken ni James Franck kadagiti eksperimento kadagiti panagdidinnungpar iti inelastiko nga elektron kadagiti alingasaw,[4] nga ammo a kas dagiti eksperimento Franck–Hertz, ken isu daytoy ti nakagun-odanda ti Premio Nobel iti Pisika idi1925.[5]
Idi las-ud ti Umuna a Gubat ti Sangalubongan, ni Hertz ket nagserbi iti militar manipud idi 1914. Isu ket nakaro a nasugatan idi 1915. Idi 1917, isu ket nagsubli idiay Unibersidad ti Berlin a kas Privatdozent. Idi 1920, isu ket nagtrabaho a kas agsuksukisok a pisiko idiay Philips Incandescent Lamp Factory idiay Eindhoven aginggana idi 1925.[6]