Ti bangus (Chanos chanos) ket maysa a napateg a pagtaraonan a lames iti Abagatan-a-Daya nga Asia. Ti bangus ket ti kakaisuna nga agbibiag a sebbangan iti pamilia a Chanidae (adda pito nga napukawen as ebbangan iti lima pay genus, kas naipakaammo).
Dagiti bangus ket masarakan iti Taaw Indiano ken iti Taaw Pasipiko. Dagiti an-anak a bangus ket agnaed iti baybay iti 2–3 a lawas sadanto umakar kadagiti alog ti mangrove, lipnok, dan-aw a dumakkel sadanto manen agsubli iti baybay tapno agitlog ken agpaaduda.
Dagiti an-anak ti bangus ket alaen dagiti mangangalap kadagiti ket taraknenda dagitoy iti pupokan ti lames agingga a dumakkel a mailako a presco, ilado, delata, naisiitan, wenno napaasukan (tinapa). Iti Filipinas, maysa a dakkel nga industria ti panagtaraknan ti bangus nangruna iti Pangasinan a paggapuan iti nalatak a bangus-Dagupan wenno bangus-Bonoan.